Surah Al-Maeda Ayahs #18 Translated in Khmer

ហើយក្នុងចំណោមពួកដែលថា ការពិតយើងជាណាសារ៉ យើងក៏បានយកកិច្ចសន្យាពួកគេ ហើយពួកគេក៏បានភ្លេចមួយចំណែក នៃអ្វីដែលគេបានក្រើនរំលឹកពួកគេ យើងក៏បានបង្កឱ្យមានក្នុងចំណោមពួកគេ នូវការចងពៀរគ្នា និងគំនុំរហូតដល់ថ្ងៃវិនិច្ឆ័យ។ ហើយអល់ឡោះនឹងប្រាប់ពួកគេពីអ្វីដែលពួកគេធ្លាប់បានប្រព្រឹត្តនោះ

ឱក្រុមអះលីគីតាប! ការពិត រ៉សូលរបស់យើងបានទៅដល់ពួកអ្នក ហើយគេបំភ្លឺជូនពួកអ្នកនូវរឿងរ៉ាវជាច្រើននៃគម្ពីរដែលពួកអ្នកធ្លាប់លាក់ហើយ លោកអត់ឱនឱ្យនូវរឿងរ៉ាវជាច្រើន។ ពិតប្រាកដពន្លឺរស្មីនិង គម្ពីរមួយដ៏ជាក់ច្បាស់មកពីអល់ឡោះនោះបានទៅដល់ពួកអ្នកហើយ

ដោយសារតែគម្ពីរ អល់ឡោះមគ្គុទ្ទេសទៅកាន់បណ្តាផ្លូវសុខ ចំពោះជនណាដែលបានធ្វើតាមការយល់ព្រមរបស់លោក លោកនឹងបញ្ចោញពួកគេពីភាពងងឹតអន្ធការឆ្ពោះទៅកាន់ពន្លឺរស្មី ដោយការអនុញ្ញាតពីលោកហើយលោកមគ្កុទ្ទេសពួកគេទៅកាន់ផ្លូវដ៏ត្រឹមត្រូវ

ជាការពិតណាស់បានបាត់ជំនឿហើយ ពួកដែលបាននិយាយថាពិតប្រាកដអល់ឡោះគឺជាម៉ាសៀហបុត្រាម៉ារីយុំ។ ថាទៅតើអ្នកណា ដែលអាចទប់ស្កាត់នូវអ្វីមួយអំពីអល់ឡោះបាន បើសិនលោក មានបំណងនឹងបំផ្លាញម៉ាសៀហ បុត្រាម៉ារីយ៉ាំនិងមាតារបស់គេ និងអ្នកដែលមាននៅលើដីទាំងអស់នោះ?។ កម្មសិទ្ធិរបស់អល់ឡោះ គឺអំណាចគ្រប់គ្រងមេឃនិងដីនិងអ្វីៗដែលមាន នៅក្នុងចន្លោះទាំងពីរ។ លោកបង្កើតនូវអ្វីដែលលោកប្រាថ្នា។ អល់ឡោះ ជាអ្នកមានមហិទ្ធិប្ញទ្ធិបំផុតលើអ្វីៗទាំងអស់

ពួកយ៉ាហ៊ូទ និងណាសារ៉ាថា ពួកយើងជាបុត្ររបស់អល់ឡោះ ហើយជាទីស្រឡាញ់បំផុតរបស់លោក។ ចូរថាទៅចុះហេតុម្តេចលោកដាក់ទោសពួកអ្នក ដោយសារតែបាបកម្មរបសពួកអ្នក។ ផ្ទុយទៅវិញ ពួកអ្នកជាមនុស្សនៃអ្នកដែលលោកបានបង្កើត។ លោកប្រោសប្រណីឱ្យអ្នកដែលលោកប្រាថ្នា ហើយលោកធ្វើទោសអ្នកដែលលោកប្រាថ្នា។ កម្មសិទ្ធិអល់ឡោះ គឺអំណាចគ្រប់គ្រងមេឃនិងដី និងអ្វីៗដែលមាននៅ ចន្លោះទាំងពីរ ហើយឆ្ពោះទៅលោកទីកន្លែងត្រលប់