Surah Al-Maeda Ayahs #17 Translated in Khmer

ដោយសារការបំផ្លាញរបស់ពួកគេ ចំពោះកិច្ចសន្យារបស់ពួកគេយើងបានផ្តន្ទាពួកគេ ហើយយើងបានធ្វើឱ្យចិត្តពួកគេទៅជារឹងរូស។ ពួកគេបំប្លែងពាក្យសំដីពីកន្លែងដើម ហើយពួកគេបានភ្លេចមួយចំណែក នៃអ្វីដែលគេបានក្រើនរំលឹកពួកគេ ហើយអ្នកតែងតែពិនិត្យឃើញអំពើក្បត់ពីចំណោមពួកគេលើកលែងតិចតួចបំផុតពីចំណោមពួកគេ។ ហេតុនេះចូរអ្នកអត់ឱនឱ្យពួកគេ ហើយចូរបំភ្លេចចោលទៅ។ ការពិតអល់ឡោះស្រឡាញ់ពួកសប្បុរស

ហើយក្នុងចំណោមពួកដែលថា ការពិតយើងជាណាសារ៉ យើងក៏បានយកកិច្ចសន្យាពួកគេ ហើយពួកគេក៏បានភ្លេចមួយចំណែក នៃអ្វីដែលគេបានក្រើនរំលឹកពួកគេ យើងក៏បានបង្កឱ្យមានក្នុងចំណោមពួកគេ នូវការចងពៀរគ្នា និងគំនុំរហូតដល់ថ្ងៃវិនិច្ឆ័យ។ ហើយអល់ឡោះនឹងប្រាប់ពួកគេពីអ្វីដែលពួកគេធ្លាប់បានប្រព្រឹត្តនោះ

ឱក្រុមអះលីគីតាប! ការពិត រ៉សូលរបស់យើងបានទៅដល់ពួកអ្នក ហើយគេបំភ្លឺជូនពួកអ្នកនូវរឿងរ៉ាវជាច្រើននៃគម្ពីរដែលពួកអ្នកធ្លាប់លាក់ហើយ លោកអត់ឱនឱ្យនូវរឿងរ៉ាវជាច្រើន។ ពិតប្រាកដពន្លឺរស្មីនិង គម្ពីរមួយដ៏ជាក់ច្បាស់មកពីអល់ឡោះនោះបានទៅដល់ពួកអ្នកហើយ

ដោយសារតែគម្ពីរ អល់ឡោះមគ្គុទ្ទេសទៅកាន់បណ្តាផ្លូវសុខ ចំពោះជនណាដែលបានធ្វើតាមការយល់ព្រមរបស់លោក លោកនឹងបញ្ចោញពួកគេពីភាពងងឹតអន្ធការឆ្ពោះទៅកាន់ពន្លឺរស្មី ដោយការអនុញ្ញាតពីលោកហើយលោកមគ្កុទ្ទេសពួកគេទៅកាន់ផ្លូវដ៏ត្រឹមត្រូវ

ជាការពិតណាស់បានបាត់ជំនឿហើយ ពួកដែលបាននិយាយថាពិតប្រាកដអល់ឡោះគឺជាម៉ាសៀហបុត្រាម៉ារីយុំ។ ថាទៅតើអ្នកណា ដែលអាចទប់ស្កាត់នូវអ្វីមួយអំពីអល់ឡោះបាន បើសិនលោក មានបំណងនឹងបំផ្លាញម៉ាសៀហ បុត្រាម៉ារីយ៉ាំនិងមាតារបស់គេ និងអ្នកដែលមាននៅលើដីទាំងអស់នោះ?។ កម្មសិទ្ធិរបស់អល់ឡោះ គឺអំណាចគ្រប់គ្រងមេឃនិងដីនិងអ្វីៗដែលមាន នៅក្នុងចន្លោះទាំងពីរ។ លោកបង្កើតនូវអ្វីដែលលោកប្រាថ្នា។ អល់ឡោះ ជាអ្នកមានមហិទ្ធិប្ញទ្ធិបំផុតលើអ្វីៗទាំងអស់