Surah Al-Maeda Ayahs #20 Translated in Khmer

ដោយសារតែគម្ពីរ អល់ឡោះមគ្គុទ្ទេសទៅកាន់បណ្តាផ្លូវសុខ ចំពោះជនណាដែលបានធ្វើតាមការយល់ព្រមរបស់លោក លោកនឹងបញ្ចោញពួកគេពីភាពងងឹតអន្ធការឆ្ពោះទៅកាន់ពន្លឺរស្មី ដោយការអនុញ្ញាតពីលោកហើយលោកមគ្កុទ្ទេសពួកគេទៅកាន់ផ្លូវដ៏ត្រឹមត្រូវ

ជាការពិតណាស់បានបាត់ជំនឿហើយ ពួកដែលបាននិយាយថាពិតប្រាកដអល់ឡោះគឺជាម៉ាសៀហបុត្រាម៉ារីយុំ។ ថាទៅតើអ្នកណា ដែលអាចទប់ស្កាត់នូវអ្វីមួយអំពីអល់ឡោះបាន បើសិនលោក មានបំណងនឹងបំផ្លាញម៉ាសៀហ បុត្រាម៉ារីយ៉ាំនិងមាតារបស់គេ និងអ្នកដែលមាននៅលើដីទាំងអស់នោះ?។ កម្មសិទ្ធិរបស់អល់ឡោះ គឺអំណាចគ្រប់គ្រងមេឃនិងដីនិងអ្វីៗដែលមាន នៅក្នុងចន្លោះទាំងពីរ។ លោកបង្កើតនូវអ្វីដែលលោកប្រាថ្នា។ អល់ឡោះ ជាអ្នកមានមហិទ្ធិប្ញទ្ធិបំផុតលើអ្វីៗទាំងអស់

ពួកយ៉ាហ៊ូទ និងណាសារ៉ាថា ពួកយើងជាបុត្ររបស់អល់ឡោះ ហើយជាទីស្រឡាញ់បំផុតរបស់លោក។ ចូរថាទៅចុះហេតុម្តេចលោកដាក់ទោសពួកអ្នក ដោយសារតែបាបកម្មរបសពួកអ្នក។ ផ្ទុយទៅវិញ ពួកអ្នកជាមនុស្សនៃអ្នកដែលលោកបានបង្កើត។ លោកប្រោសប្រណីឱ្យអ្នកដែលលោកប្រាថ្នា ហើយលោកធ្វើទោសអ្នកដែលលោកប្រាថ្នា។ កម្មសិទ្ធិអល់ឡោះ គឺអំណាចគ្រប់គ្រងមេឃនិងដី និងអ្វីៗដែលមាននៅ ចន្លោះទាំងពីរ ហើយឆ្ពោះទៅលោកទីកន្លែងត្រលប់

ឱ ក្រុមអះលីគីតាប! រ៉សូលរបស់យើងបានទៅដល់ពួកអ្នក ហើយគាត់នឹងបំភ្លឺចំពោះពួកអ្នកបន្ទាប់ពីដាច់ផុត ពីរ៉សូលនានាដើម្បីកុំឱ្យពួកអ្នកថា គ្មានអ្នកណាជូនដំណឹងរីករាយ និងរន្ធត់ណាម្នាក់ មកដល់ពួកយើងទេ។ ការពិតអ្នកជូនដំណឹងរីករាយនិងរន្ធត់ ពិតជាបានទៅដល់ពួកអ្នកហើយ។ ហើយអល់ឡោះជាអ្នកមានមហិទ្ធិប្ញទ្ធិលើអ្វីៗទាំងអស់

(ចូររំលឹក) នៅពេលដែលមូសាបាននិយាយទៅកាន់ក្រុមគេថានែក្រុមយើង! ចូរពួកអ្នករំលឹកនូវការអនុគ្រោះរបស់អល់ឡោះមកលើពួកអ្នកនៅពេលដែលលោកបានចាត់ក្នុង ចំណោមពួកអ្នកនូវណាពីទាំងឡាយ លោកបានធ្វើឱ្យពួកអ្នកជាស្តេចហើយលោក ប្រទានចំពោះពួកអ្នកនូវអ្វីដែលលោកពុំដែលប្រទានទៅអ្នកណាម្នាក់ក្នុងចំណោមលោកទាំងមូលទេ