Surah Al-Maeda Ayahs #22 Translated in Khmer

ពួកយ៉ាហ៊ូទ និងណាសារ៉ាថា ពួកយើងជាបុត្ររបស់អល់ឡោះ ហើយជាទីស្រឡាញ់បំផុតរបស់លោក។ ចូរថាទៅចុះហេតុម្តេចលោកដាក់ទោសពួកអ្នក ដោយសារតែបាបកម្មរបសពួកអ្នក។ ផ្ទុយទៅវិញ ពួកអ្នកជាមនុស្សនៃអ្នកដែលលោកបានបង្កើត។ លោកប្រោសប្រណីឱ្យអ្នកដែលលោកប្រាថ្នា ហើយលោកធ្វើទោសអ្នកដែលលោកប្រាថ្នា។ កម្មសិទ្ធិអល់ឡោះ គឺអំណាចគ្រប់គ្រងមេឃនិងដី និងអ្វីៗដែលមាននៅ ចន្លោះទាំងពីរ ហើយឆ្ពោះទៅលោកទីកន្លែងត្រលប់

ឱ ក្រុមអះលីគីតាប! រ៉សូលរបស់យើងបានទៅដល់ពួកអ្នក ហើយគាត់នឹងបំភ្លឺចំពោះពួកអ្នកបន្ទាប់ពីដាច់ផុត ពីរ៉សូលនានាដើម្បីកុំឱ្យពួកអ្នកថា គ្មានអ្នកណាជូនដំណឹងរីករាយ និងរន្ធត់ណាម្នាក់ មកដល់ពួកយើងទេ។ ការពិតអ្នកជូនដំណឹងរីករាយនិងរន្ធត់ ពិតជាបានទៅដល់ពួកអ្នកហើយ។ ហើយអល់ឡោះជាអ្នកមានមហិទ្ធិប្ញទ្ធិលើអ្វីៗទាំងអស់

(ចូររំលឹក) នៅពេលដែលមូសាបាននិយាយទៅកាន់ក្រុមគេថានែក្រុមយើង! ចូរពួកអ្នករំលឹកនូវការអនុគ្រោះរបស់អល់ឡោះមកលើពួកអ្នកនៅពេលដែលលោកបានចាត់ក្នុង ចំណោមពួកអ្នកនូវណាពីទាំងឡាយ លោកបានធ្វើឱ្យពួកអ្នកជាស្តេចហើយលោក ប្រទានចំពោះពួកអ្នកនូវអ្វីដែលលោកពុំដែលប្រទានទៅអ្នកណាម្នាក់ក្នុងចំណោមលោកទាំងមូលទេ

នែក្រុមរបស់យើង! ចូរពួកអ្នកចូលទៅទឹកដីដ៏ពិសិដ្ឋដែលអល់ឡោះបានបង្គាប់ចំពោះពួកអ្នក ហើយចូរពួកអ្នកកុំត្រឡប់ថយទៅក្រោយវិញ បើពុំនោះសោតទេពួកអ្នកត្រឡប់ទៅជាអ្នកខាតបង់មិនខាន

ពួកគេថា ឱមូសា! ការពិតនៅទីនោះមានក្រុមមនុស្សមួយសាហាវខ្លាំងណាស់ ហើយយើងពិតជានឹងមិនចូលទីនោះ លុះត្រាតែពួកគេចេញពីទីនោះ ប្រសិនបើពួកគេចេញពីទីនោះ យើងពិតជាអ្នកដែលចូល