Surah Al-Maeda Ayahs #24 Translated in Khmer

(ចូររំលឹក) នៅពេលដែលមូសាបាននិយាយទៅកាន់ក្រុមគេថានែក្រុមយើង! ចូរពួកអ្នករំលឹកនូវការអនុគ្រោះរបស់អល់ឡោះមកលើពួកអ្នកនៅពេលដែលលោកបានចាត់ក្នុង ចំណោមពួកអ្នកនូវណាពីទាំងឡាយ លោកបានធ្វើឱ្យពួកអ្នកជាស្តេចហើយលោក ប្រទានចំពោះពួកអ្នកនូវអ្វីដែលលោកពុំដែលប្រទានទៅអ្នកណាម្នាក់ក្នុងចំណោមលោកទាំងមូលទេ

នែក្រុមរបស់យើង! ចូរពួកអ្នកចូលទៅទឹកដីដ៏ពិសិដ្ឋដែលអល់ឡោះបានបង្គាប់ចំពោះពួកអ្នក ហើយចូរពួកអ្នកកុំត្រឡប់ថយទៅក្រោយវិញ បើពុំនោះសោតទេពួកអ្នកត្រឡប់ទៅជាអ្នកខាតបង់មិនខាន

ពួកគេថា ឱមូសា! ការពិតនៅទីនោះមានក្រុមមនុស្សមួយសាហាវខ្លាំងណាស់ ហើយយើងពិតជានឹងមិនចូលទីនោះ លុះត្រាតែពួកគេចេញពីទីនោះ ប្រសិនបើពួកគេចេញពីទីនោះ យើងពិតជាអ្នកដែលចូល

បុរសពីរនាក់នៃពួកដែលកោតខ្លាច ដែលអល់ឡោះបានអនុគ្រោះលើពួកគេទាំងពីរនោះបាននិយាយថា ចូរពួកអ្នកសម្រុកចូលទៅពួកគេតាមទ្វារនោះ កាលណាពួកអ្នកបានចូលទៅដល់ហើយ គឺពួកអ្នកពិតជាពួកឈ្នះ។ ហើយលើអល់ឡោះ ចូរពួកអ្នកប្រគល់ការទុកចិត្ត បើពួកអ្នកជាពួកមានជំនឿ

ពួកគេថា ឱ មូសា! យើងពិតជាមិនអាចចូលទៅទីនោះបានជារៀងរហូត ដរាបណាពួកគេមាននៅទីនោះ។ ហេតុនេះចូរអ្នកនិងម្ចាស់របស់អ្នកទៅចុះ ហើយចូរអ្នកទាំងពីរប្រយុទ្ធទៅចុះ ការពិតពួកយើងអង្គុយនៅទីនេះហើយ