Surah Al-Baqara Ayahs #148 Translated in Khmer

ការពិតយើងឃើញការងើយចុះឡើង របស់មុខអ្នកទៅមេឃនោះ យើងក៏បំបែរអ្នកឆ្ពោះទៅគិព្ល័តមួយដែលអ្នក ពេញចិត្ត។ ដូចនេះ ចូរអ្នកបែរមុខរបស់អ្នកទៅខាងប៉ែកម៉ាស្ជីទិលហារ៉ាម។ ទីណាក៏ដោយដែលពួកអ្នកមាននៅ ក៏ពួកអ្នកត្រូវបែរមុខពួកអ្នកទៅប៉ែក ខាងនោះដែរ។ រីឯពួកដែលត្រូវបានគេផ្តល់គម្ពីរ ពួកគេពិតជាដឹងថា ជា សច្ចភាពមកពីម្ចាស់របស់ពួកគេ។ អល់ឡោះពុំមែនជាអ្នកធ្វេសប្រហែស ស្តីពីអ្វីដែលពួកគេបានប្រព្រឹត្តនោះឡើយ

ប្រសិនបើអ្នកបានទៅដល់ពួក ដែលត្រូវបានគេផ្តល់គម្ពីរដោយនាំអាយ៉ាត់ណាមួយក៏ដោយក៏ពួកគេមិនបាន តាមគិព្ល័តរបស់អ្នកដែរ។ ហើយអ្នកក៏មិនមែនជាអ្នកតាមគិព្ល័តរបស់ពួកគេដែរ។ ហើយពួកគេខ្លះ ក៏មិនមែនជាអ្នកតាមគិព្ល័តរបស់គ្នាគេដែរ។ ហើយប្រសិនបើអ្នកគោរពតាមមហិច្ឆតារបស់ពួកគេ បន្ទាប់ពីការចេះដឹងណាមួយបានទៅដល់អ្នក ពេលនោះអ្នកពិតជាក្នុងចំណោមពួកបំពារបំពាន

ពួកដែលយើងបានផ្តល់ទៅពួកគេនូវគម្ពីរ ពួកគេស្គាល់ (មូហាំម៉ាត់) ដូចដែលពួក គេស្គាល់កូនចៅរបស់ពួកគេដែរ។ ហើយមួយក្រុមនៃពួកគេ ពិតជាបានលាក់រឿងពិត ទាំងពួកគេបានដឹងស្រាប់

រឿងពិតមកពីម្ចាស់របស់អ្នក។ ដូច្នេះ ចូរអ្នកកុំមានក្នុងចំណោមពួកដែលមន្ទិលសង្ស័យឱ្យសោះ

ហើយរាល់ៗគ្នា សុទ្ធតែមានគោលដៅមួយ ដែលគេជាអ្នកតំរង់ទៅគោលដៅនោះ។ ដូចនេះ ចូរពួកអ្នកប្រកួតយកអំពើកុសលនានា។ នៅទីណាក៏ដោយដែលពួកអ្នកនៅ អល់ឡោះនឹង នាំមកជូនពួកអ្នកទាំងអស់។ អល់ឡោះពិតជាអ្នកមានមហិទ្ធិប្ញទ្ធិលើអ្វីៗទាំងអស់