Surah Al-Baqara Ayahs #151 Translated in Khmer

រឿងពិតមកពីម្ចាស់របស់អ្នក។ ដូច្នេះ ចូរអ្នកកុំមានក្នុងចំណោមពួកដែលមន្ទិលសង្ស័យឱ្យសោះ

ហើយរាល់ៗគ្នា សុទ្ធតែមានគោលដៅមួយ ដែលគេជាអ្នកតំរង់ទៅគោលដៅនោះ។ ដូចនេះ ចូរពួកអ្នកប្រកួតយកអំពើកុសលនានា។ នៅទីណាក៏ដោយដែលពួកអ្នកនៅ អល់ឡោះនឹង នាំមកជូនពួកអ្នកទាំងអស់។ អល់ឡោះពិតជាអ្នកមានមហិទ្ធិប្ញទ្ធិលើអ្វីៗទាំងអស់

ពីទីណាក៏ដោយដែលអ្នកបានចេញមក ក៏អ្នកត្រូវតែបែរមុខរបស់អ្នកទៅ ប៉ែកខាងម៉ាស្ជីទិលហារ៉ាមដែរ។ គឺពិតជាសច្ចធម៌យ៉ាងប្រាកដពីម្ចាស់របស់អ្នក។ ហើយអល់ឡោះពុំមែនជាអ្នកធ្វេសប្រហែស ពីអ្វីដែលពួកអ្នកបានប្រព្រឹត្តឡើយ

ពីទីណាក៏ដោយដែលអ្នកបានចេញមក ក៏អ្នកត្រូវតែបែរមុខរបស់អ្នកទៅប៉ែក ខាងម៉ាស្ជីទិលហារ៉ាមដែរ។ ហើយទីណាក៏ដោយដែលពួកអ្នកនៅក៏ពួកអ្នកត្រូវតែងតែបែរមុខរបស់ពួកអ្នកទៅប៉ែកខាងនោះដែរ ដើម្បីកុំឱ្យមនុស្សមានពាក្យសំអាង ណាមួយទៅលើពួកអ្នក លើកលែងតែពួកដែលបំពារបំពានក្នុងចំណោមពួកគេប៉ុណ្ណោះ។ ដូចនេះពួកអ្នកមិនត្រូវខ្លាចពួកគេទេ ពួកអ្នកត្រូវតែកោតខ្លាចយើង ដើម្បីយើងនឹងបំពេញគុណធម៌របស់យើងទៅលើពួកអ្នក សង្ឃឹមថាពួកអ្នកទទួលបានមគ្គុទ្ទេសន៍

ដូចដែលយើងបានបញ្ជូនទៅក្នុងចំណោមពួកអ្នក នូវរ៉សូល ម្នាក់ពីក្នុងចំណោមពួកអ្នកដែលនឹងសូត្រទៅលើពួកអ្នកនូវបណ្តាអាយ៉ាត់យើង និងជម្រះសំអាតពួកអ្នក និងបង្រៀនពួកអ្នកនូវគម្ពីរនិងគតិបណ្ឌិត ហើយនឹងបង្រៀនពួកអ្នកនូវអ្វីដែលពួកអ្នកមិនដឹង