Surah As-Saff Ayahs #11 Translated in Filipino

Sino baga kaya ang higit na gumagawa ng malaking kamalian maliban sa kanya na kumakatha ng kabulaanan laban kay Allah, samantalang siya ay inaanyayahan sa Islam? At si Allah ay hindi namamatnubay sa Zalimun (mga mapagsamba sa diyus-diyosan at mapaggawa ng kamalian)

Ang kanilang hangarin ay apulahin ang Liwanag ni Allah (alalaong baga, ang Pananampalatayang Islam, ang Qur’an, at Propeta Muhammad), sa (pamamagitan ng pag-ihip) ng kanilang bibig. Datapuwa’t si Allah ang magtatapos (ng kapahayagan) ng Kanyang liwanag, kahit na ang mga hindi sumasampalataya ay magsitutol (dito)

Siya (Allah) ang nagsugo ng kanyang Tagapagbalita (Muhammad) ng may Patnubay at ng Relihiyon ng Katotohanan (Kaisahan ni Allah sa Islam), upang kanyang maipagbadya ito ng higit sa lahat ng mga relihiyon, kahit na nga ang Mushrikun (mga pagano, mapagsamba sa diyus-diyosan, walang pananalig sa Kaisahan ni Allah at Kanyang Tagapagbalitang si Muhammad) ay sumalansang (dito)

O kayong mga nananampalataya! Kayo ba ay aking gagabayan sa isang mabuting kalakal na makakapagligtas sa inyo sa kasakit-sakit na kaparusahan

Na kayo ay 878 magsisampalataya kay Allah at sa Kanyang Tagapagbalita (Muhammad), at kayo ay magsipagsikhay na mabuti (sa inyong kaya) tungo sa Kapakanan ni Allah, sa pamamagitan ng inyong mga ari-arian at inyong buhay. Ito ay higit na mabuti sa inyo, kung inyo lamang nalalaman