Surah Al-Anfal Ayahs #71 Translated in Filipino

Hindi isang katampatan sa isang propeta na siya ay magkaroon ng mga bihag ng digmaan (at pakawalan dahil may pantubos) hangga’t siya ay hindi nakakagawa ng malaking pagpatay (sa lipon ng kanyang mga kaaway) sa kalupaan. Ikaw ay naghahangad ng kabutihan ng mundo (alalaong baga, ang salapi bilang pantubos sa pagpapalaya ng mga bihag), datapuwa’t si Allah ay naghahangad (sa inyo) ng Kabilang Buhay. At si Allah ang Pinakamakapangyarihan, ang Tigib ng Kaalaman

Kung ito ay hindi lamang dati ng kautusan mula kay Allah, isang matinding kaparusahan na sana ang daratal sa inyo dahilan sa inyong ginawa

Kaya’t kayo ay magsaya sa anumang inyong nakuhang labing yaman ng digmaan, na mabuti at pinahihintulutan, at mangamba kay Allah. Katiyakang si Allah ay Lagi nang Nagpapatawad, ang Pinakamaawain

o Propeta! Sabihin mo sa (iyong) mga bihag na sila ay nasa mabubuting kamay: “Kung mababatid ni Allah ang anumang mabuti sa inyong puso, Siya ay magkakaloob sa inyo ng bagay na higit na mabuti kaysa sa mga nakuha sa inyo, at Kanyang papatawarin kayo, at si Allah ay Lagi nang Nagpapatawad, ang Pinakamaawain.”

Datapuwa’t kung sila ay nagnanais na ikaw (o Muhammad) ay ipagkaluno, noon pa mang una ay ipinagkaluno na nila si Allah. Kaya’t ikaw ay binigyan Niya ng kapangyarihan ng higit sa kanila. At si Allah ay Ganap na Maalam, ang Puspos ng Karunungan