Surah Al-Baqara Ayahs #264 Translated in Khmer

ហើយនៅពេលដែលអ៊ីព្រហ៊ីមបាននិយាយថា ឱម្ចាស់របស់ខ្ញុំ សូមលោកឱ្យខ្ញុំ ឃើញផងតើលោកផ្តល់ជីវិតដល់អ្នកស្លាប់យ៉ាងដូចម្តេច លោកថាតើអ្នក មិនទាន់ជឿទេឬ?។ គេថាពុំមែនទេការពិត គឺដើម្បីឱ្យស្ងប់អារម្មណ៍ខ្ញុំ។ លោកថាចូរអ្នកយកសត្វបួនក្បាល រួចមកចូរអ្នកផ្តុំសត្វទាំងនោះ ( ចិញ្ច្រាំ ឱ្យខ្ទេច)បន្ទាប់មកចូរអ្នកយកចំណែកតូចៗទៅដាក់រាយគ្រប់ភ្នំទាំងនោះ។ ក្រោយមក ចូរអ្នកស្រែកហៅសត្វនោះ។ សត្វនោះនឹងទៅដល់អ្នកយ៉ាងលឿន។ ចូរអ្នកដឹងថាប្រាកដណាស់អល់ឡោះជាអ្នកមានអានុភាពជាអ្នកគតិបណ្ឌិតបំផុត

ប្រៀបធៀបពួកដែលបរិច្ចាគទ្រព្យសម្បត្តិពួកគេក្នុង ផ្លូវអល់ឡោះ បីដូចគ្រាប់មួយគ្រាប់ដែលបណ្តុះបានប្រាំពីរកួរនៅរាល់ៗកួរមានមួយរយគ្រាប់។ អល់ឡោះនឹងទ្វេឱ្យចំពោះអ្នកដែលលោកសោមនស្ស។ អល់ឡោះជាអ្នកទូលាយដឹងបំផុត

ពួកដែលបរិច្ចាគទ្រព្យសម្បត្តិពួកគេ ក្នុងផ្លូវអល់ឡោះ ក្រោយមកពួកគេក៏មិនរំលើកឡើងវិញ និងក៏មិនបញ្ឈឺគេដែរ នូវអ្វីដែលពួកគេបានបរិច្ចាគហើយនោះសម្រាប់ពួកគេផលបុណ្យរបស់ ពួកគេនៅឯម្ចាស់ពួកគេ។ គ្មានការភ័យខ្លាចលើពួកគេ ហើយពួកគេក៏មិនព្រួយបារម្ភដែរ

សំដីសមរម្យនិងការអភ័យទោសប្រសើរជាងទានមួយ ដែលមានការបញ្ឈឺចិត្តតាមក្រោយទាននោះ ។អល់ឡោះជាអ្នកមានបំផុតមហាសប្បុរស

ឱពួកអ្នកដែលបានជឿ ចូរពួកអ្នកកុំបំផ្លាញទានពួក អ្នកដោយការរំលើកបើកកកាយ និងការបញ្ឈឺចិត្តដូចអ្នកដែលបរិច្ចាគទ្រព្យ សម្បត្តិរបស់គេដើម្បីបង្អូតសម្ញែងមនុស្ស ហើយខ្លួនគេឥតជឿនឹងអល់ឡោះ ឥតជឿនឹងថ្ងៃចុងក្រោយឡើយ។ ប្រៀបធៀបអ្នកនេះ បីដូចថ្មរលោងមួយដុំ នៅលើថ?មានដី រួចភ្លៀងខ្លាំងបានធ្លាក់ប៉ះថ្មនោះ រួចបន្សល់ទុកឱ្យថ្មនោះរលោង។ពួកគេគ្មានលទ្ធភាពបន្តិចសោះឡើយ ពីអ្វីៗដែលពួកគេខិតខំប្រឹងប្រែង។ ហើយអល់ឡោះមិនមគ្គុទ្ទេសចំពោះពួកដែលគ្មានជំនឿឡើយ