Surah Al-Baqara Ayahs #263 Translated in Khmer

ឬប្រៀបដូចជនដែលបានដើរកាត់ភូមិមួយ ដែលមានផ្ទះសំបែងដួលរលំអស់។ ជននោះថាតើអល់ឡោះផ្តល់ជិវិតភូមិនេះម្តេចនឹងកើតបន្ទាប់ពីការស្លាប់របស់ភូមិនេះ? អល់ឡោះបានធ្វើឱ្យជននោះស្លាប់មួយរយឆ្នាំ បន្ទាប់មកលោកបានប្រោស ជននោះវិញ។ លោកថា តើអ្នកបានស្នាក់នៅរយៈពេលប៉ុន្មាន? ជននោះថា យើងបានស្នាក់នៅរយៈពេលមួយថ្ងៃ ឬកន្លះថ្ងៃប៉ុណ្ណោះ។ លោកថាពុំមែនទេ! ការពិតអ្នកស្នាក់នៅមួយរយឆ្នាំ។ ចូរអ្នកពិនិត្យមើលទៅចំណីអ្នក និង ភេសជ្ជៈអ្នកឥតមានប្រែប្រួលទេ ហើយចូរអ្នកពិនិត្យទៅសត្វលារបស់អ្នក ហើយដើម្បីយើងនឹងចាត់ទុកអ្នកជាភស្តុតាងមួយសំរាប់មនុស្សទាំងឡាយ។ហើយចូរអ្នកពិនិត្យមើលទៅឆ្អឹងតើដូចម្តេចយើងនឹងរៀបចំឆ្អឹងនោះរួចមកយើងយកសាច់រុំឆ្អឹងនោះយ៉ា់ងដូចម្តេចខ្លះ?។ នៅពេលដែលបានលេចធ្លោយ៉ាងជាក់ច្បាស់ចំពោះជននោះហើយជននោះក៏និយាយថាយើងដឹងថាជាការពិតណាស់អល់ឡោះជាអ្នកមានមហិទ្ធិប្ញទ្ធិបំផុតលើអ្វីៗទាំងអស់

ហើយនៅពេលដែលអ៊ីព្រហ៊ីមបាននិយាយថា ឱម្ចាស់របស់ខ្ញុំ សូមលោកឱ្យខ្ញុំ ឃើញផងតើលោកផ្តល់ជីវិតដល់អ្នកស្លាប់យ៉ាងដូចម្តេច លោកថាតើអ្នក មិនទាន់ជឿទេឬ?។ គេថាពុំមែនទេការពិត គឺដើម្បីឱ្យស្ងប់អារម្មណ៍ខ្ញុំ។ លោកថាចូរអ្នកយកសត្វបួនក្បាល រួចមកចូរអ្នកផ្តុំសត្វទាំងនោះ ( ចិញ្ច្រាំ ឱ្យខ្ទេច)បន្ទាប់មកចូរអ្នកយកចំណែកតូចៗទៅដាក់រាយគ្រប់ភ្នំទាំងនោះ។ ក្រោយមក ចូរអ្នកស្រែកហៅសត្វនោះ។ សត្វនោះនឹងទៅដល់អ្នកយ៉ាងលឿន។ ចូរអ្នកដឹងថាប្រាកដណាស់អល់ឡោះជាអ្នកមានអានុភាពជាអ្នកគតិបណ្ឌិតបំផុត

ប្រៀបធៀបពួកដែលបរិច្ចាគទ្រព្យសម្បត្តិពួកគេក្នុង ផ្លូវអល់ឡោះ បីដូចគ្រាប់មួយគ្រាប់ដែលបណ្តុះបានប្រាំពីរកួរនៅរាល់ៗកួរមានមួយរយគ្រាប់។ អល់ឡោះនឹងទ្វេឱ្យចំពោះអ្នកដែលលោកសោមនស្ស។ អល់ឡោះជាអ្នកទូលាយដឹងបំផុត

ពួកដែលបរិច្ចាគទ្រព្យសម្បត្តិពួកគេ ក្នុងផ្លូវអល់ឡោះ ក្រោយមកពួកគេក៏មិនរំលើកឡើងវិញ និងក៏មិនបញ្ឈឺគេដែរ នូវអ្វីដែលពួកគេបានបរិច្ចាគហើយនោះសម្រាប់ពួកគេផលបុណ្យរបស់ ពួកគេនៅឯម្ចាស់ពួកគេ។ គ្មានការភ័យខ្លាចលើពួកគេ ហើយពួកគេក៏មិនព្រួយបារម្ភដែរ

សំដីសមរម្យនិងការអភ័យទោសប្រសើរជាងទានមួយ ដែលមានការបញ្ឈឺចិត្តតាមក្រោយទាននោះ ។អល់ឡោះជាអ្នកមានបំផុតមហាសប្បុរស