Surah Al-Baqara Ayahs #266 Translated in Khmer

ពួកដែលបរិច្ចាគទ្រព្យសម្បត្តិពួកគេ ក្នុងផ្លូវអល់ឡោះ ក្រោយមកពួកគេក៏មិនរំលើកឡើងវិញ និងក៏មិនបញ្ឈឺគេដែរ នូវអ្វីដែលពួកគេបានបរិច្ចាគហើយនោះសម្រាប់ពួកគេផលបុណ្យរបស់ ពួកគេនៅឯម្ចាស់ពួកគេ។ គ្មានការភ័យខ្លាចលើពួកគេ ហើយពួកគេក៏មិនព្រួយបារម្ភដែរ

សំដីសមរម្យនិងការអភ័យទោសប្រសើរជាងទានមួយ ដែលមានការបញ្ឈឺចិត្តតាមក្រោយទាននោះ ។អល់ឡោះជាអ្នកមានបំផុតមហាសប្បុរស

ឱពួកអ្នកដែលបានជឿ ចូរពួកអ្នកកុំបំផ្លាញទានពួក អ្នកដោយការរំលើកបើកកកាយ និងការបញ្ឈឺចិត្តដូចអ្នកដែលបរិច្ចាគទ្រព្យ សម្បត្តិរបស់គេដើម្បីបង្អូតសម្ញែងមនុស្ស ហើយខ្លួនគេឥតជឿនឹងអល់ឡោះ ឥតជឿនឹងថ្ងៃចុងក្រោយឡើយ។ ប្រៀបធៀបអ្នកនេះ បីដូចថ្មរលោងមួយដុំ នៅលើថ?មានដី រួចភ្លៀងខ្លាំងបានធ្លាក់ប៉ះថ្មនោះ រួចបន្សល់ទុកឱ្យថ្មនោះរលោង។ពួកគេគ្មានលទ្ធភាពបន្តិចសោះឡើយ ពីអ្វីៗដែលពួកគេខិតខំប្រឹងប្រែង។ ហើយអល់ឡោះមិនមគ្គុទ្ទេសចំពោះពួកដែលគ្មានជំនឿឡើយ

ហើយប្រៀបធៀបពួកដែលបរិច្ចាគទ្រព្យសម្បត្តិពួកគេដើម្បីស្វែងរកការ យល់ព្រមពីអល់ឡោះនិងការស្ងប់អារម?ណ៍ខ្លួនឯង ប្រៀបដូចជាចំការ មួយនៅខ្ពង់រាប ដែលបានត្រូវភ្លៀងខ្លាំង ហើយក៏ផ្តល់ផលទ្វេឡើងទោះបីចំការនោះមិនត្រូវភ្លៀងខ្លាំង ក៏ភ្លៀងតិចៗដែរ។ហើយអល់ឡោះឃើញបំផុតនូវអ្វីដែលពួកអ្នកបានប្រព្រឹត្ត

តើអ្នកណាក្នុងចំណោម ពួកអ្នកដែលចង់ឱ្យចំការលម៉ើ និងទំពាំងបាយជូររបស់ខ្លូនដែលមាន ទន្លេហូរកាត់ពីក្រោមចំការនោះដែលទទួលបានពីក្នុងចំការនោះនូវ ភោគផលគ្រប់មុខហើយជននោះចាស់ជរា និងមានកូនចៅខ្សត់ខ្សោយ ស្រាប់តែចំការនោះត្រូវបក់បោកដោយខ្យល់ព្យុះ ក្នុងនោះមានភ្លើងរួច ចំការនោះក៏ឆេះអស់។ ប្រៀបដូចនេះដែរអល់ឡោះបានបំភ្លឺជូនពួកអ្នកនូវអាយ៉ាត់ទាំងឡាយ ដើម្បីពួកអ្នកបានពិចារណា