Surah At-Tawba Ayahs #74 Translated in Khmer

តើពុំទាន់ដល់ទៅពួកគេទេឬ នូវរឿងនិទានពី ជំនាន់មុនៗរបស់ពួកគេ ក្រុមរបស់ណូហ៍ ក្រុមរបស់អាទ ក្រុមរបស់សាមូទ និងក្រុមរបស់អ៊ីព្រហ៊ីម អ្នកស្រុកភូមិរបស់ម៉ាទយ៉ាន និងពួកមុតាហ្វីកាត។ រ៉សូលទាំងឡាយរបស់ពួកគេ បាននាំទៅដល់ពួកគេ នូវភស្តុតាងដ៏ជាក់ ស្តែងទាំងឡាយ។ គឺអល់ឡោះ ពុំមែនដើម្បីលោកនឹងបំពារបំពានចំពោះពួក គេទាំងនោះទេ ក៏ប៉ុន្តែពួកគេទេដែលបានបំពារបំពានចំពោះខ្លួនពួកគេ ផ្ទាល់នោះ

បុរសៗដែលមានជំនឿ និងនារីៗជំនឿ ភាគខ្លះនៃពួកគេ គឺ ជាសម្ព័ន្ធមិត្តរបស់ភាគខ្លះ ពួកគេបានបង្គាប់គ្នានូវអំពើសមរម្យ និងហាម ឃាត់គ្នាពីអំពើត្រូវស្អប់ខ្ពើម ពួកគេបានបញ្ឈរសឡាតិ៍ និងបានផ្តល់ហ្សាកាតិ៍ ហើយពួកគេគោរពប្រតិបត្តិអល់ឡោះ និងរ៉សូលរបស់លោក ពួកទាំងនេះ អល់ឡោះនឹងអាណិតអាសូរពួកគេ អល់ឡោះពិតជាអ្នកដែលពលានុពល មហាគតិបណ្ឌិត

អល់ឡោះបានសន្យាចំពោះបុរសៗជំនឿ និងនារីៗ ជំនឿ នូវឋានសួគ៌ាដែលមានទន្លេជាច្រើនដែលបានហូរកាត់ពីក្រោមនោះ ពួកគេស្ថិតនៅជាអនន្តកាលក្នុងឋានសួគ៌ា និងលំនៅឋានដ៏ល្អប្រណីត ក្នុង ឋានសួគ៌ាទាំងឡាយដ៏រមណីយភាព ហើយក្តីយល់ព្រមអំពីអល់ឡោះនោះ គឺពិតជាធំជាងនោះទៅទៀត ទាំងនេះគឺជាការជោគជ័យដ៏ធំធេងបំផុត

ឱណាពី! ចូរអ្នកតស៊ូនឹងពួកអជំនឿ ព្រមទាំងពួកពុតត្បុត ហើយចូរអ្នកគំរាមកំហែងទៅ លើពួកគេ។ ទីជំរករបស់ពួកគេ គឺនរកអវិចី ជាទីកន្លែងត្រលប់ដ៏អាក្រក់បំផុត

ពួកគេ បានស្បថស្បែនឹងអល់ឡោះថា ពួកគេមិនបាននិយាយទេ តែពួកគេពិតជាបាននិយាយពាក្យ សំដីដែលអជំនឿ ពួកគេបានអជំនឿបន្ទាប់ពីពួកគេឥស្លាមរួច ពួកគេបានគ្រោងធ្វើនូវអ្វី ដែលពួកគេពុំអាចបំពេញបាន ប៉ុន្តែពួកគេមិនបានគុំគួនគ្នាទេ ប្រសិនបើអល់ឡោះ និងរ៉សូល របស់លោក មិនបានផ្តល់ការមានបានទៅលើពួកគេ អំពីក្តីសប្បុរសរបស់លោកទេនោះ។ ប្រសិនបើពួកគេដឹងពីកំហុសរបស់ខ្លួន ប្រាកដជាល្អប្រសើរសំរាប់ពួកគេ ក៏ប៉ុន្តែប្រសិនបើ ពួកគេបានបែរចេញ អល់ឡោះប្រាកដជានឹងធ្វើទណ្ឌកម្មចំពោះពួកគេ នូវទណ្ឌកម្មដ៏ខ្លោច ផ្សាក្នុងបច្ចុប្បន្ន និងលោកខាងមុខ។ ហើយនៅលើដី ពួកគេគ្មានអ្នកសម្ព័ន្ធមិត្តគាំពារណា ម្នាក់ ហើយក៏គ្មានអ្នកជំនួយឧបត្ថម្ភណាម្នាក់ផងដែរ