Surah At-Tawba Ayahs #77 Translated in Khmer

ឱណាពី! ចូរអ្នកតស៊ូនឹងពួកអជំនឿ ព្រមទាំងពួកពុតត្បុត ហើយចូរអ្នកគំរាមកំហែងទៅ លើពួកគេ។ ទីជំរករបស់ពួកគេ គឺនរកអវិចី ជាទីកន្លែងត្រលប់ដ៏អាក្រក់បំផុត

ពួកគេ បានស្បថស្បែនឹងអល់ឡោះថា ពួកគេមិនបាននិយាយទេ តែពួកគេពិតជាបាននិយាយពាក្យ សំដីដែលអជំនឿ ពួកគេបានអជំនឿបន្ទាប់ពីពួកគេឥស្លាមរួច ពួកគេបានគ្រោងធ្វើនូវអ្វី ដែលពួកគេពុំអាចបំពេញបាន ប៉ុន្តែពួកគេមិនបានគុំគួនគ្នាទេ ប្រសិនបើអល់ឡោះ និងរ៉សូល របស់លោក មិនបានផ្តល់ការមានបានទៅលើពួកគេ អំពីក្តីសប្បុរសរបស់លោកទេនោះ។ ប្រសិនបើពួកគេដឹងពីកំហុសរបស់ខ្លួន ប្រាកដជាល្អប្រសើរសំរាប់ពួកគេ ក៏ប៉ុន្តែប្រសិនបើ ពួកគេបានបែរចេញ អល់ឡោះប្រាកដជានឹងធ្វើទណ្ឌកម្មចំពោះពួកគេ នូវទណ្ឌកម្មដ៏ខ្លោច ផ្សាក្នុងបច្ចុប្បន្ន និងលោកខាងមុខ។ ហើយនៅលើដី ពួកគេគ្មានអ្នកសម្ព័ន្ធមិត្តគាំពារណា ម្នាក់ ហើយក៏គ្មានអ្នកជំនួយឧបត្ថម្ភណាម្នាក់ផងដែរ

ហើយក្នុងចំណោមពួកគេ មាន អ្នកដែលបានដាក់ពាក្យសន្យាជាមួយអល់ឡោះ ប្រសិនបើលោកបានប្រទានចំពោះយើង នៃក្តីសប្បុរសរបស់លោក យើងប្រាកដជានឹងបរិច្ចាគ ហើយយើងប្រាកដជានឹងមានក្នុង ចំណោមពួកកុសល

ប៉ុន្តែក្នុងខណៈដែលលោកបានប្រទានទៅពួកគេ នៃក្តីមេត្តាករុណា របស់លោក ពួកគេបានកំណាញ់នូវក្តីមេត្តាករុណានោះទៅវិញ ហើយពួកគេបានបែរចេញ ទាំងឱ្យខ្នង

អំពើកំណាញ់ស្វិត បានជំនួសពីក្រោយពួកគេ នូវភាពពុតត្បុតក្នុងចិត្តរបស់ ពួកគេ រហូតទាល់ថ្ងៃដែលពួកគេនឹងជួបលោក បណ្តាលមកពីពួកគេមិនបានគោរពចំពោះ អល់ឡោះ នូវអ្វីដែលពួកគេបានសន្យាទៅចំពោះលោក និងបណ្តាលមកពីពួកគេធ្លាប់បាន ភូតកុហក