Surah Al-Isra Ayahs #98 Translated in Khmer

គ្មានអ្វីដែលបានហាមប្រាមមនុស្ស ចំពោះករណីដែលពួកគេនឹងជឿ នៅពេលដែលមគ្គុទ្ទេសន៍បានទៅដល់ពួកគេ នោះទេ មានតែករណីដែលពួកគេថា តើអល់ឡោះបានចាត់មនុស្សម្នាក់ជា រ៉សូលឬ?

ថាទៅ ប្រសិនបើនៅលើដីមានម៉ាឡាអ៊ីកាត់ ដែលពួកគេនឹងធ្វើ ដំណើរដោយស្ងប់ស្ងៀម យើងប្រាកដជាបានដាក់ចុះទៅលើពួកគេពីមេឃ នូវ ម៉ាឡ៉ាអ៊ីកាត់ម្នាក់ជារ៉សូល

ចូរថាទៅ វាគ្រប់គ្រាន់ហើយនឹងអល់ឡោះ ជាសាក្សីម្នាក់រវាងយើង និងរវាងពួកអ្នកទាំងឡាយ ការពិតលោកជាអ្នកដែល ដឹងដំណឹង ជាអ្នកឃើញបំផុតចំពោះអ្នកគោរពទាំងឡាយរបស់លោក

ហើយជនណាដែលអល់ឡោះមគ្គុទ្ទេស ជននោះជាអ្នកទទួលបានមគ្គុទ្ទេសន៍។ ហើយជន ណាដែលលោកបន្សាត់វង្វេង អ្នកនឹងប្រទះឃើញថា ពួកគេគ្មានអ្នកគាំពារទាំងឡាយ ក្រៅពីលោកទេ។ ហើយយើងនឹងកេណ្ឌពួកគេ នាថ្ងៃត្រូវងើបឡើងវិញ នៅលើមុខ របស់ពួកគេ គឺខ្វាក់ គ និងថ្លង់។ ជំរករបស់ពួកគេ គឺនរកឆាបឆេះ។ នៅរាល់ពេលដែល ការឆាបឆេះនោះរលត់ យើងបានថែមទៅពួកគេនូវអណ្តាតភ្លើង

ទាំងនេះ គឺជាការ ទូទាត់របស់ពួកគេ ដោយពួកគេពិតជាបានអជំនឿនឹងអាយ៉ាត់ៗរបស់យើង ហើយពួក គេថា តើកាលណាពួកយើងបានក្លាយជាឆ្អឹងឆ្អែង និងល្អងធូលីហើយ តើពួកយើងពិត ជាត្រូវប្រោសជាកំណើតមួយថ្មីឬ?