Surah Al-Isra Ayahs #99 Translated in Khmer

ថាទៅ ប្រសិនបើនៅលើដីមានម៉ាឡាអ៊ីកាត់ ដែលពួកគេនឹងធ្វើ ដំណើរដោយស្ងប់ស្ងៀម យើងប្រាកដជាបានដាក់ចុះទៅលើពួកគេពីមេឃ នូវ ម៉ាឡ៉ាអ៊ីកាត់ម្នាក់ជារ៉សូល

ចូរថាទៅ វាគ្រប់គ្រាន់ហើយនឹងអល់ឡោះ ជាសាក្សីម្នាក់រវាងយើង និងរវាងពួកអ្នកទាំងឡាយ ការពិតលោកជាអ្នកដែល ដឹងដំណឹង ជាអ្នកឃើញបំផុតចំពោះអ្នកគោរពទាំងឡាយរបស់លោក

ហើយជនណាដែលអល់ឡោះមគ្គុទ្ទេស ជននោះជាអ្នកទទួលបានមគ្គុទ្ទេសន៍។ ហើយជន ណាដែលលោកបន្សាត់វង្វេង អ្នកនឹងប្រទះឃើញថា ពួកគេគ្មានអ្នកគាំពារទាំងឡាយ ក្រៅពីលោកទេ។ ហើយយើងនឹងកេណ្ឌពួកគេ នាថ្ងៃត្រូវងើបឡើងវិញ នៅលើមុខ របស់ពួកគេ គឺខ្វាក់ គ និងថ្លង់។ ជំរករបស់ពួកគេ គឺនរកឆាបឆេះ។ នៅរាល់ពេលដែល ការឆាបឆេះនោះរលត់ យើងបានថែមទៅពួកគេនូវអណ្តាតភ្លើង

ទាំងនេះ គឺជាការ ទូទាត់របស់ពួកគេ ដោយពួកគេពិតជាបានអជំនឿនឹងអាយ៉ាត់ៗរបស់យើង ហើយពួក គេថា តើកាលណាពួកយើងបានក្លាយជាឆ្អឹងឆ្អែង និងល្អងធូលីហើយ តើពួកយើងពិត ជាត្រូវប្រោសជាកំណើតមួយថ្មីឬ?

តើពួកគេមិនទាន់ឃើញទេឬថា អល់ឡោះដែល បានបង្កើតមេឃនិងដី ពិតជាអ្នកដែលមានមហិទ្ធិឫទ្ធិលើករណីដែលលោកនឹងបង្កើត ពួកគេដដែលវិញ? ហើយលោកបានចាត់ឱ្យពួកគេមានអាជ្ញាយុកាលមួយ ដែលគ្មាន ឡើយការសង្ស័យនៅក្នុងអាជ្ញាយុកាលនេះ រួចមក ពួកអយុត្តិធម៌មិនព្រមទទួលអ្វីក្រៅពី អជំនឿឡើយ