Surah Al-Isra Ayahs #101 Translated in Khmer

ហើយជនណាដែលអល់ឡោះមគ្គុទ្ទេស ជននោះជាអ្នកទទួលបានមគ្គុទ្ទេសន៍។ ហើយជន ណាដែលលោកបន្សាត់វង្វេង អ្នកនឹងប្រទះឃើញថា ពួកគេគ្មានអ្នកគាំពារទាំងឡាយ ក្រៅពីលោកទេ។ ហើយយើងនឹងកេណ្ឌពួកគេ នាថ្ងៃត្រូវងើបឡើងវិញ នៅលើមុខ របស់ពួកគេ គឺខ្វាក់ គ និងថ្លង់។ ជំរករបស់ពួកគេ គឺនរកឆាបឆេះ។ នៅរាល់ពេលដែល ការឆាបឆេះនោះរលត់ យើងបានថែមទៅពួកគេនូវអណ្តាតភ្លើង

ទាំងនេះ គឺជាការ ទូទាត់របស់ពួកគេ ដោយពួកគេពិតជាបានអជំនឿនឹងអាយ៉ាត់ៗរបស់យើង ហើយពួក គេថា តើកាលណាពួកយើងបានក្លាយជាឆ្អឹងឆ្អែង និងល្អងធូលីហើយ តើពួកយើងពិត ជាត្រូវប្រោសជាកំណើតមួយថ្មីឬ?

តើពួកគេមិនទាន់ឃើញទេឬថា អល់ឡោះដែល បានបង្កើតមេឃនិងដី ពិតជាអ្នកដែលមានមហិទ្ធិឫទ្ធិលើករណីដែលលោកនឹងបង្កើត ពួកគេដដែលវិញ? ហើយលោកបានចាត់ឱ្យពួកគេមានអាជ្ញាយុកាលមួយ ដែលគ្មាន ឡើយការសង្ស័យនៅក្នុងអាជ្ញាយុកាលនេះ រួចមក ពួកអយុត្តិធម៌មិនព្រមទទួលអ្វីក្រៅពី អជំនឿឡើយ

ថាទៅ ប្រសិនបើពួកអ្នកកាន់កាប់រតនសម្បត្តិ នៃក្តីអាណិតអាសូរ របស់ម្ចាស់យើ់ង ពេលនោះពួកអ្នកពិតជាបានក្តាប់ជាប់ ដោយសារខ្លាចចំណាយ។ ហើយ មនុស្សគឺជាអ្នករិះកំណាញ់បំផុត

ហើយជាការពិតណាស់ យើងបានប្រទានទៅ មូសាប្រាំបួនភស្តុតាងដ៏ច្បាស់ៗ។ ដូចនេះ ចូរអ្នកសួរទៅបុត្រអ៊ីស្រាឯល នៅពេលដែល មូសាបានទៅដល់ពួកគេ ពេលនោះហ្វារ៉ាអុងបាននិយាយទៅកាន់មូសាថា ការពិតយើង នែ៎មូសា! យើងគិតថា អ្នកត្រូវមន្តអាគម