Surah Al-Isra Ayahs #97 Translated in Khmer

ឬលុះត្រាអ្នកមានគេហដ្ឋានមួយ នៃការតុបតែង។ ឬលុះត្រាអ្នកឡើងទៅលើមេឃ ហើយយើងនៅតែមិនជឿ ចំពោះការឡើងរបស់អ្នកទេ លុះត្រាតែអ្នកដាក់ចុះមកលើយើង នូវគម្ពីរមួយ ដែលយើងនឹងអានវា។ ចូរថាទៅ បរិសុទ្ធម្ចាស់របស់យើង។ យើងគ្មានអ្វីក្រៅ ពីជាមនុស្សម្នាក់ដែលជារ៉សូលឡើយ

គ្មានអ្វីដែលបានហាមប្រាមមនុស្ស ចំពោះករណីដែលពួកគេនឹងជឿ នៅពេលដែលមគ្គុទ្ទេសន៍បានទៅដល់ពួកគេ នោះទេ មានតែករណីដែលពួកគេថា តើអល់ឡោះបានចាត់មនុស្សម្នាក់ជា រ៉សូលឬ?

ថាទៅ ប្រសិនបើនៅលើដីមានម៉ាឡាអ៊ីកាត់ ដែលពួកគេនឹងធ្វើ ដំណើរដោយស្ងប់ស្ងៀម យើងប្រាកដជាបានដាក់ចុះទៅលើពួកគេពីមេឃ នូវ ម៉ាឡ៉ាអ៊ីកាត់ម្នាក់ជារ៉សូល

ចូរថាទៅ វាគ្រប់គ្រាន់ហើយនឹងអល់ឡោះ ជាសាក្សីម្នាក់រវាងយើង និងរវាងពួកអ្នកទាំងឡាយ ការពិតលោកជាអ្នកដែល ដឹងដំណឹង ជាអ្នកឃើញបំផុតចំពោះអ្នកគោរពទាំងឡាយរបស់លោក

ហើយជនណាដែលអល់ឡោះមគ្គុទ្ទេស ជននោះជាអ្នកទទួលបានមគ្គុទ្ទេសន៍។ ហើយជន ណាដែលលោកបន្សាត់វង្វេង អ្នកនឹងប្រទះឃើញថា ពួកគេគ្មានអ្នកគាំពារទាំងឡាយ ក្រៅពីលោកទេ។ ហើយយើងនឹងកេណ្ឌពួកគេ នាថ្ងៃត្រូវងើបឡើងវិញ នៅលើមុខ របស់ពួកគេ គឺខ្វាក់ គ និងថ្លង់។ ជំរករបស់ពួកគេ គឺនរកឆាបឆេះ។ នៅរាល់ពេលដែល ការឆាបឆេះនោះរលត់ យើងបានថែមទៅពួកគេនូវអណ្តាតភ្លើង