Surah Al-Baqara Ayahs #58 Translated in Khmer

ហើយនៅ ពេលដែលមូសានិយាយទៅក្រុមគេថា “នែក្រុមយើង! ពួកអ្នកពិតជាបានសាងអំពើ បាបកម្មចំពោះខ្លួនឯង ដោយសារពួកអ្នកបានទទួលយកនូវកូនគោ (ធ្វើជាសក្ការៈ) ហេតុនេះ ចូរពួកអ្នកទទួលសារភាពទៅកាន់អ្នកដែលបង្កើតពួកអ្នក រួចពួកអ្នកត្រូវធ្វើ ឃាតខ្លួនឯង។ ករណីដូចនេះ គឺល្អសម្រាប់ពួកអ្នកនៅឯអ្នកដែលបង្កើតពួកអ្នក រួចមក លោកបានផ្តល់ការប្រណីលើពួកអ្នក។ លោកពិតជាអ្នកផ្តល់ការប្រណី ជាអ្នកមេត្តា ករុណាបំផុត

ហើយនៅពេលដែលពួកអ្នកថា “ឱមូសា! ពួកយើងនៅតែមិនជឿចំពោះអ្នក លុះត្រាតែពួកយើងមើលឃើញអល់ឡោះដោយជាក់ស្តែង។ ដូចនេះហើយ បានជារន្ទះឆក់យកពួកអ្នក ពេលនោះពួកអ្នកបានមើលឃើញហើយ

ក្រោយមក យើងបានប្រោសពួកអ្នក បន្ទាប់ពីមរណភាពរបស់ពួកអ្នករួច សង្ឃឹមថា ពួកអ្នកនឹងដឹងគុណ

យើងបានគ្របពីលើពួកអ្នកនូវដុំពពក ហើយយើងបាន បញ្ចុះទៅលើពួកអ្នកនូវសត្វគ្រួច និងទឹកឃ្មុំ។ ចូរពួកអ្នកបរិភោគនៃចំណីស្អាតៗ ដែលយើងបានផ្តល់ជាអាហារដល់ពួកអ្នក។ ហើយពួកគេមិនបានសាងបាបកម្ម ចំពោះយើងទេក៏ប៉ុន្តែពួកគេទេ ដែលបានសាងបាបកម្មចំពោះខ្លួនឯងនោះ

ហើយនៅពេលដែលយើងបានពោលថា “ចូរពួកអ្នកចូលទៅភូមិនេះទៅ ហើយចូរ ពួកអ្នកបរិភោគនៃអ្វីដែលមាន ដោយសំបូរបែប តាមតែពួកអ្នកចង់។ ចូរពួកអ្នកចូល តាមទ្វារដោយការបន្ទាបខ្លួន ហើយចូរពួកអ្នកពោលថា “សូមលើកលែងទោស កំហុសពួកយើងផង”។ យើងពិតជានឹងអភ័យទោសឱ្យពួកអ្នក នូវកំហុសទាំងឡាយ របស់ពួកអ្នក។ ហើយយើងនឹងថែមចំពោះពួកដែលសាងកុសល