Surah Al-Baqara Ayahs #61 Translated in Khmer

យើងបានគ្របពីលើពួកអ្នកនូវដុំពពក ហើយយើងបាន បញ្ចុះទៅលើពួកអ្នកនូវសត្វគ្រួច និងទឹកឃ្មុំ។ ចូរពួកអ្នកបរិភោគនៃចំណីស្អាតៗ ដែលយើងបានផ្តល់ជាអាហារដល់ពួកអ្នក។ ហើយពួកគេមិនបានសាងបាបកម្ម ចំពោះយើងទេក៏ប៉ុន្តែពួកគេទេ ដែលបានសាងបាបកម្មចំពោះខ្លួនឯងនោះ

ហើយនៅពេលដែលយើងបានពោលថា “ចូរពួកអ្នកចូលទៅភូមិនេះទៅ ហើយចូរ ពួកអ្នកបរិភោគនៃអ្វីដែលមាន ដោយសំបូរបែប តាមតែពួកអ្នកចង់។ ចូរពួកអ្នកចូល តាមទ្វារដោយការបន្ទាបខ្លួន ហើយចូរពួកអ្នកពោលថា “សូមលើកលែងទោស កំហុសពួកយើងផង”។ យើងពិតជានឹងអភ័យទោសឱ្យពួកអ្នក នូវកំហុសទាំងឡាយ របស់ពួកអ្នក។ ហើយយើងនឹងថែមចំពោះពួកដែលសាងកុសល

ពួកដែល សាងបាបកម្ម ក៏បានប្រែក្រឡាស់ពាក្យសំដីផ្ទុយពីសំដីដែលគេបាននិយាយទៅកាន់ ពួកគេ ។ ដូចនេះ យើងក៏បានដាក់ចុះទៅលើពួកដែលបានសាងបាបកម្ម នូវទណ្ឌកម្ម មកពីមេឃ ដោយសារតែអ្វីដែលពួកគេបានប្រព្រឹត្តខិលខូច

ហើយនៅពេល ដែលមូសាបានសុំទឹកភ្លៀងឱ្យក្រុមរបស់គាត់ ។ យើងក៏បានថា “ចូរអ្នកវាយនឹង ដំបងអ្នកទៅលើថ្មនោះទៅ”។ រួចមក ដប់ពីរក្បាលទឹកក៏បានបាញ់ចេញពីថ្មដានោះ។ រាល់ក្រុមមនុស្សសុទ្ធតែបានដឹង នូវទីកន្លែងទទួលទានទឹករបស់ពួកគេ។ ចូរពួកអ្នក បរិភោគ និងផឹកនៃអាហាររបស់អល់ឡោះ ហើយនៅលើដី ចូរពួកអ្នកកុំបង្កអំពើ យង់ឃ្នង ដែលជាពួកអ្នកប្រព្រឹត្តមហន្តរាយ

ហើយនៅពេលដែលពួកអ្នកថា “ឱមូសា! ពួកយើងពុំអាចទ្រាំបានទេនឹងចំណីតែមួយមុខនេះ ហេតុនេះ សូមអ្នកសុំ ទៅម្ចាស់អ្នកឱ្យពួកយើងផង ច្បាស់ជាលោកនឹងបញ្ចោញឱ្យពួកយើង នូវអ្វីដែលដី បានបណ្តុះចេញមកនៃបន្លែរបស់វា ត្រសក់ ខ្ទឹមស សណ្តែក និងខ្ទឹមបារាំង។ មូសាថា“ ហេតុអ្វីបានជាពួកអ្នកសុំប្តូរយករបស់ដែលទាបបំផុត ទៅនឹងរបស់ដែលល្អ?។ ចូរពួកអ្នកចុះទៅទីក្រុងទៅ ព្រោះនៅទីនោះ ពិតជាមានសម្រាប់ពួកអ្នក នូវអ្វីដែល ពួកអ្នកបានស្នើសុំនោះ។ ហើយត្រូវបានវាយប្រហារទៅលើពួកគេ ដោយភាពលំបាក វេទនា និងក្រខ្សត់ ហើយពួកគេបាននាំត្រលប់ដោយកំហឹងពីអល់ឡោះ។ ករណីទាំងនោះ ដោយសារតែពួកគេធ្លាប់គ្មានជំនឿនឹងរាល់អាយ៉ាត់ៗរបស់អល់ឡោះ ហើយ ពួកគេបានកាប់សម្លាប់ណាពីៗជាច្រើនដោយឥតត្រឹមត្រូវ។ ករណីទាំងនោះ ដោយសារតែអ្វីដែលពួកគេបានប្រព្រឹត្តល្មើស ហើយពួកគេធ្លាប់តែរំលោភបំពាន