Surah Al-Baqara Ayahs #63 Translated in Khmer

ពួកដែល សាងបាបកម្ម ក៏បានប្រែក្រឡាស់ពាក្យសំដីផ្ទុយពីសំដីដែលគេបាននិយាយទៅកាន់ ពួកគេ ។ ដូចនេះ យើងក៏បានដាក់ចុះទៅលើពួកដែលបានសាងបាបកម្ម នូវទណ្ឌកម្ម មកពីមេឃ ដោយសារតែអ្វីដែលពួកគេបានប្រព្រឹត្តខិលខូច

ហើយនៅពេល ដែលមូសាបានសុំទឹកភ្លៀងឱ្យក្រុមរបស់គាត់ ។ យើងក៏បានថា “ចូរអ្នកវាយនឹង ដំបងអ្នកទៅលើថ្មនោះទៅ”។ រួចមក ដប់ពីរក្បាលទឹកក៏បានបាញ់ចេញពីថ្មដានោះ។ រាល់ក្រុមមនុស្សសុទ្ធតែបានដឹង នូវទីកន្លែងទទួលទានទឹករបស់ពួកគេ។ ចូរពួកអ្នក បរិភោគ និងផឹកនៃអាហាររបស់អល់ឡោះ ហើយនៅលើដី ចូរពួកអ្នកកុំបង្កអំពើ យង់ឃ្នង ដែលជាពួកអ្នកប្រព្រឹត្តមហន្តរាយ

ហើយនៅពេលដែលពួកអ្នកថា “ឱមូសា! ពួកយើងពុំអាចទ្រាំបានទេនឹងចំណីតែមួយមុខនេះ ហេតុនេះ សូមអ្នកសុំ ទៅម្ចាស់អ្នកឱ្យពួកយើងផង ច្បាស់ជាលោកនឹងបញ្ចោញឱ្យពួកយើង នូវអ្វីដែលដី បានបណ្តុះចេញមកនៃបន្លែរបស់វា ត្រសក់ ខ្ទឹមស សណ្តែក និងខ្ទឹមបារាំង។ មូសាថា“ ហេតុអ្វីបានជាពួកអ្នកសុំប្តូរយករបស់ដែលទាបបំផុត ទៅនឹងរបស់ដែលល្អ?។ ចូរពួកអ្នកចុះទៅទីក្រុងទៅ ព្រោះនៅទីនោះ ពិតជាមានសម្រាប់ពួកអ្នក នូវអ្វីដែល ពួកអ្នកបានស្នើសុំនោះ។ ហើយត្រូវបានវាយប្រហារទៅលើពួកគេ ដោយភាពលំបាក វេទនា និងក្រខ្សត់ ហើយពួកគេបាននាំត្រលប់ដោយកំហឹងពីអល់ឡោះ។ ករណីទាំងនោះ ដោយសារតែពួកគេធ្លាប់គ្មានជំនឿនឹងរាល់អាយ៉ាត់ៗរបស់អល់ឡោះ ហើយ ពួកគេបានកាប់សម្លាប់ណាពីៗជាច្រើនដោយឥតត្រឹមត្រូវ។ ករណីទាំងនោះ ដោយសារតែអ្វីដែលពួកគេបានប្រព្រឹត្តល្មើស ហើយពួកគេធ្លាប់តែរំលោភបំពាន

ការពិតពួកដែលបានជឿនឹងអល់ឡោះ ពួកយ៉ាហូទ និងសោពីអ៊ីន ជនណាដែល បានជឿនឹងអល់ឡោះ ជឿនឹងថ្ងៃចុងក្រោយ ហើយបានសាងអំពើកុសល សម្រាប់ ពួកគេ គឺរង្វាន់របស់ពួកគេនៅឯម្ចាស់ពួកគេ ហើយពួកគេគ្មានការភ័យខ្លាចណា មួយ ហើយពួកគេក៏ឥតព្រួយបារម្ភដែរ

ហើយនៅពេលដែលយើងបានសម្រេច យកការសន្យារបស់ពួកអ្នក ហើយយើងបានលើកភ្នំតួរ៍ដាក់ពីលើពួកអ្នក។ ចូរពួក អ្នកសម្រេចយកដោយខ្លាំងក្លា នូវអ្វីដែលយើងបានផ្តល់ទៅពួកអ្នក ហើយចូរពួក អ្នករំលឹកនូវអ្វីដែលមានចែងក្នុងគម្ពីរនេះ សង្ឃឹមថា ពួកអ្នកគោរពកោតខ្លាច