Surah Al-Baqara Ayahs #143 Translated in Khmer

ចូរថាទៅ តើហេតុអ្វីបានជាពួកអ្នកជជែកនឹងពួកយើងក្នុងរឿងអល់ឡោះ? ក្នុងករណីលោកជាម្ចាស់ពួកយើងនិងជាម្ចាស់ពួកអ្នក។ សម្រាប់ពួកយើងអំពើរបស់ពួកយើង សម្រាប់អ្នកអំពើរបស់អ្នក។ ហើយពួក យើងជាអ្នកដែលស្មោះត្រង់ចំពោះលោក

ឬមួយពួកអ្នកថា ការពិតអ៊ីព្រហ៊ីម អ៊ីស្មាឯល អ៊ីសហាក យ៉ាក់កូប និងកូនចៅរបស់ពួកគេ ជាយ៉ាហ៊ូទ ឬណាសារ៉។ ចូរថាទៅ ពួកអ្នកដឹងជាង ឬអល់ឡោះដឹងជាង?។ តើជនណាដែលបំពានជាងអ្នក ដែលបានលាក់ពីអល់ឡោះនូវសាក្សីមួយក្បែរខ្លួនគេ?។ ហើយអល់ឡោះពុំមែនជាអ្នកធ្វេសប្រហែសពីអ្វីដែលពួកអ្នកបានប្រព្រឹត្តឡើយ

នោះហើយជា សហគមន៍មួយ ដែលពិតជាបានកន្លងផុតទៅ។ សម្រាប់សហគមន៍នោះ គឺអ្វីដែល សហគមន៍នោះបានប្រព្រឹត្ត ហើយសម្រាប់ពួកអ្នក គឺអ្វីដែលពួកអ្នកបានប្រព្រឹត្ត។ ពួកអ្នកនឹងមិនត្រូវបានគេសួរស្តីពីអ្វីៗដែលពួកគេធ្លាប់បានប្រព្រឹត្តនោះឡើយ

ពួកមនុស្សល្ងីល្ងើនឹងនិយាយថា តើអ្វីទៅដែលបានបំបែរពួកគេពីគិព្ល័តរបស់ពួកគេ ដែលពួកគេធ្លាប់មាន។ ថាទៅកម្មសិទ្ធិរបស់អល់ឡោះ គឺទិសខាង កើត និងទិសខាងលិច។ លោកមគ្គុទ្ទេសជនណាដែលលោកសោមនស្សទៅកាន់ផ្លូវមួយដ៏ត្រឹមត្រូវបំផុត

ប្រៀបដូចនោះហើយដែលយើង បានបង្កើតពួកអ្នក ជាសហគមន៍មួយដែលនិយមកណ្តាល ដើម្បីឱ្យពួកអ្នកក្លាយជាសាក្សីលើពួកមនុស្សទាំងឡាយ ហើយរ៉សូលក៏ក្លាយជាសាក្សីម្នាក់លើពួកអ្នក។ យើងបានបង្កើតគិព្ល័តដែលអ្នកមាននោះ គ្មានអ្វីក្រៅពីដើម្បីយើងនឹងដឹងថា ជនណាដែលគោរពតាមរ៉សូល ក្នុងចំណោមជនដែលវិលត្រឡប់ ក្រោយ?។ ការពិតរឿងនេះជាការធ្ងន់ធ្ងរណាស់ លើកលែងតែលើពួកដែលអល់ឡោះបានមគ្គុទ្ទេស។ ពុំមែនអល់ឡោះធ្វើនេះ ដើម្បីលោកនឹងមិនអើ ពើចំពោះជំនឿរបស់ពួកអ្នកនោះឡើយ។អល់ឡោះពិតជាអ្នកដែលទន់ភ្លន់ អាណិតអាសូរដល់មនុស្សបំផុត