Surah Al-Baqara Ayahs #145 Translated in Khmer

នោះហើយជា សហគមន៍មួយ ដែលពិតជាបានកន្លងផុតទៅ។ សម្រាប់សហគមន៍នោះ គឺអ្វីដែល សហគមន៍នោះបានប្រព្រឹត្ត ហើយសម្រាប់ពួកអ្នក គឺអ្វីដែលពួកអ្នកបានប្រព្រឹត្ត។ ពួកអ្នកនឹងមិនត្រូវបានគេសួរស្តីពីអ្វីៗដែលពួកគេធ្លាប់បានប្រព្រឹត្តនោះឡើយ

ពួកមនុស្សល្ងីល្ងើនឹងនិយាយថា តើអ្វីទៅដែលបានបំបែរពួកគេពីគិព្ល័តរបស់ពួកគេ ដែលពួកគេធ្លាប់មាន។ ថាទៅកម្មសិទ្ធិរបស់អល់ឡោះ គឺទិសខាង កើត និងទិសខាងលិច។ លោកមគ្គុទ្ទេសជនណាដែលលោកសោមនស្សទៅកាន់ផ្លូវមួយដ៏ត្រឹមត្រូវបំផុត

ប្រៀបដូចនោះហើយដែលយើង បានបង្កើតពួកអ្នក ជាសហគមន៍មួយដែលនិយមកណ្តាល ដើម្បីឱ្យពួកអ្នកក្លាយជាសាក្សីលើពួកមនុស្សទាំងឡាយ ហើយរ៉សូលក៏ក្លាយជាសាក្សីម្នាក់លើពួកអ្នក។ យើងបានបង្កើតគិព្ល័តដែលអ្នកមាននោះ គ្មានអ្វីក្រៅពីដើម្បីយើងនឹងដឹងថា ជនណាដែលគោរពតាមរ៉សូល ក្នុងចំណោមជនដែលវិលត្រឡប់ ក្រោយ?។ ការពិតរឿងនេះជាការធ្ងន់ធ្ងរណាស់ លើកលែងតែលើពួកដែលអល់ឡោះបានមគ្គុទ្ទេស។ ពុំមែនអល់ឡោះធ្វើនេះ ដើម្បីលោកនឹងមិនអើ ពើចំពោះជំនឿរបស់ពួកអ្នកនោះឡើយ។អល់ឡោះពិតជាអ្នកដែលទន់ភ្លន់ អាណិតអាសូរដល់មនុស្សបំផុត

ការពិតយើងឃើញការងើយចុះឡើង របស់មុខអ្នកទៅមេឃនោះ យើងក៏បំបែរអ្នកឆ្ពោះទៅគិព្ល័តមួយដែលអ្នក ពេញចិត្ត។ ដូចនេះ ចូរអ្នកបែរមុខរបស់អ្នកទៅខាងប៉ែកម៉ាស្ជីទិលហារ៉ាម។ ទីណាក៏ដោយដែលពួកអ្នកមាននៅ ក៏ពួកអ្នកត្រូវបែរមុខពួកអ្នកទៅប៉ែក ខាងនោះដែរ។ រីឯពួកដែលត្រូវបានគេផ្តល់គម្ពីរ ពួកគេពិតជាដឹងថា ជា សច្ចភាពមកពីម្ចាស់របស់ពួកគេ។ អល់ឡោះពុំមែនជាអ្នកធ្វេសប្រហែស ស្តីពីអ្វីដែលពួកគេបានប្រព្រឹត្តនោះឡើយ

ប្រសិនបើអ្នកបានទៅដល់ពួក ដែលត្រូវបានគេផ្តល់គម្ពីរដោយនាំអាយ៉ាត់ណាមួយក៏ដោយក៏ពួកគេមិនបាន តាមគិព្ល័តរបស់អ្នកដែរ។ ហើយអ្នកក៏មិនមែនជាអ្នកតាមគិព្ល័តរបស់ពួកគេដែរ។ ហើយពួកគេខ្លះ ក៏មិនមែនជាអ្នកតាមគិព្ល័តរបស់គ្នាគេដែរ។ ហើយប្រសិនបើអ្នកគោរពតាមមហិច្ឆតារបស់ពួកគេ បន្ទាប់ពីការចេះដឹងណាមួយបានទៅដល់អ្នក ពេលនោះអ្នកពិតជាក្នុងចំណោមពួកបំពារបំពាន