Surah Al-Ankabut Ayahs #37 Translated in Khmer

ហើយនៅពេលដែលម៉ាឡាអ៊ីកាត់ជារ៉សូលរបស់យើងបានទៅដល់ លូទក៏បាន កើតមានទុក្ខព្រួយ ដោយសារពួកគេបានដឹងថា គ្មានលទ្ធភាពនឹងជួយការពារ ពួកគេបាន ហើយពួកម៉ាឡាអ៊ីកាត់ថា ចូរអ្នកកុំខ្លាច ហើយចូរអ្នកកុំកើតទុក្ខ ពួកយើងពិតជាអ្នកជួយសង្គ្រោះអ្នក ព្រមទាំងគ្រួសាររបស់អ្នក លើកលែងតែ ភរិយារបស់អ្នក នាងមានក្នុងចំណោមពួកឋិតនៅក្នុងពួកវិនាស

ការពិត យើងជាអ្នកត្រូវដាក់ចុះទៅលើអ្នកស្រុកភូមិនេះ នូវទណ្ឌកម្មពីមេឃ ដោយសារ តែអ្វីដែលពួកគេធ្លាប់បានខិលខូច

ហើយយើងបានបន្សល់ទុកយ៉ាងប្រាកដ ពីបុរីនោះ នូវភស្តុតាងមួយដ៏ច្បាស់ក្រលែត សម្រាប់ក្រុមមនុស្សដែលយល់ ច្បាស់

ហើយ(យើងចាត់)ឆ្ពោះទៅកាន់ម៉ាទយ៉ាន នូវបងប្អូនរបស់ពួកគេ គឺ ស៊ូអែប រួចមកស៊ូអែបនិយាយថា ឱក្រុមមនុស្សរបស់យើង ចូរពួកអ្នកប្រណិប័តន៍ អល់ឡោះ ហើយចូរពួកអ្នកសង្ឃឹមនាថ្ងៃអវសាន ហើយចូរពួកអ្នកកុំសាបព្រួស នៅក្នុងដែនដីជាពួកដែលប្រព្រឹត្តវឹកវរ

ក្រោយមក ពួកគេបានមួលបង្កាច់ ចំពោះស៊ូអែប ដូចនេះ ការរញ្ជួយផែនដីក៏បានឆាបឆក់យកពួកគេ រួចមកពួក គេក៏បានក្លាយទៅជាសាកសពដែល ដេកសណ្តូកនៅក្នុងលំនៅឋានរបស់ពួកគេ