Surah Fussilat Ayahs #45 Translated in Khmer

ការពិតពួកដែលបានអជំនឿនឹងការរំលឹក នៅពេល ដែលការរំលឹកនោះបានដល់ទៅពួកគេ។ ហើយការរំលឹកនោះ ពិតជាគម្ពីរមួយដ៏មហាឥទ្ធិពល

គ្មានការខុសឆ្គងនឹងទៅដល់គម្ពីរនេះទេ នៅពីមុខគម្ពីរនេះ ហើយក៏មិនដល់ដែរពីខាង ក្រោយគម្ពីរនេះ។ គឺការដាក់ចុះមួយពីអ្នកដែលមហាគតិបណ្ឌិត ជាទីកោតសរសើរក្រៃលែង

អ្វីដែលគេកំពុងនិយាយទៅកាន់អ្នក គឺសុទ្ធតែអ្វីដែលគេបាននិយាយរួចហើយទៅកាន់ រ៉សូលៗ នៃរ៉សូលជំនាន់មុនអ្នកយ៉ាងប្រាកដ។ ម្ចាស់របស់អ្នកពិតជាអ្នកមានការអភ័យទោស ឱ្យ និងជាអ្នក មានទណ្ឌកម្មមួយដ៏ខ្លោចផ្សាបំផុត

ហើយប្រសិនបើយើងបានចាត់គម្ពីរនេះ ជាគួរអាន ដែលពុំមែនភាសាអារ៉ាប់ ពួកគេច្បាស់ជាថា ហេតុអ្វីបានជាគេមិនបញ្ជាក់នូវអាយ៉ាត់ៗ របស់គម្ពីរ? តើជាភាសាពុំមែនអារ៉ាប់ ហើយគេជាជនជាតិអារ៉ាប់ម្នាក់? ចូរអ្នកថា គម្ពីរនេះ សម្រាប់ពួកដែលបានជឿ គឺជាមគ្គុទ្ទេសន៍មួយ និងជាឧសថកែរោគមួយ។ រីឯពួកដែលមិនជឿ នៅក្នុងត្រចៀករបស់ពួកគេធ្ងន់ ហើយគម្ពីរគឺជាការងងឹតងងល់មួយទៅលើពួកគេ ពួកទាំង នេះហើយ ដែលត្រូវគេស្រែកហៅពីកន្លែងមួយដ៏សែនឆ្ងាយ

ហើយជាការពិតណាស់ យើងបានផ្តល់គម្ពីរទៅមូសា រួចមក គេបានខ្វែងគំនិតគ្នាក្នុងរឿងគម្ពីរនោះ។ ប្រសិនបើសំដី មួយពីម្ចាស់អ្នក មិនបានកន្លងផុតទៅ ពិតជាត្រូវបានគេសម្រេចរវាងពួកគេ។ ហើយពួកគេពិត ជាស្ថិតនៅក្នុងការសង្ស័យមួយ ដ៏ស្រពេចស្រពិលបំផុតស្តីពីគម្ពីរនោះ