Surah At-Tawba Ayahs #96 Translated in Khmer

ហើយទុក្ខទោសក៏ពុំមែនត្រូវទៅលើ ពួកដែល កាលណាពួកគេបានមកដល់អ្នក ដើម្បីស៊ីំឱ្យអ្នកដឹកជញ្ជូនពួកគេ។ អ្នក បាននិយាយថា យើងគ្មានអ្វីនឹងដឹកជញ្ជូនពួកអ្នកទេ ពួកគេក៏បានបែរក្រោយ ហើយ នេត្រាទាំងឡាយរបស់ពួកគេក៏បង្ហូរទឹកភ្នែកដោយក្តីទុក្ខព្រួយ ព្រោះពួកគេឥតមាន អ្វីនឹងបរិច្ចាគទេ

ការពិតផ្លូវស្តីបន្ទោស មានតែទៅលើពួកដែលសុំអនុញ្ញាតដល់ អ្នកឱ្យរួចពីការបរិច្ចាគ ក្នុងករណីដែលពួកគេជាអ្នកដែលមានទ្រព្យធនធូរធា ពួក គេក៏បានពេញចិត្តនឹងការនៅរួមជាមួយពួកដែលនៅពីក្រោយខ្នង ហើយអល់ឡោះ បានបិទភ្ជិតទៅលើចិត្តរបស់ពួកគេ រួចមកពួកគេឥតមានដឹងអ្វីសោះឡើយ

ពួកគេនឹងឆ្លើយដោះសាទៅកាន់ពួកអ្នក នៅពេលដែលពួកអ្នកបានត្រលប់ទៅកាន់ពួក គេវិញ។ ថាទៅ ពួកអ្នកកុំឆ្លើយដោះសា យើងនៅតែមិនជឿចំពោះពួកអ្នកទេ ការពិត អល់ឡោះបាននិទានប្រាប់យើង ហើយអំពីដំណឹងទាំងឡាយរបស់ពួកអ្នក។ អល់ឡោះ ព្រមទាំងរ៉សូលគង់តែនឹងឃើញអំពើរបស់ពួកអ្នក ក្រោយមកគេនឹងបញ្ជូនពួកអ្នកទៅ កាន់អ្នកដែលដឹងអាថ៌កំបាំង និងប្រការលាតត្រដាង លោកនឹងប្រាប់ពួកអ្នក តាមតែអ្វី ដែលពួកអ្នកធ្លាប់បានប្រព្រឹត្ត

ពួកទាំងនោះនឹងស្បថស្បែនឹងអល់ឡោះជូនពួកអ្នក នៅពេលដែលពួកអ្នកបានវិលត្រលប់ទៅកាន់ពួកគេ ដើម្បីឱ្យពួកអ្នកងាកចេញពីពួកគេ ហេតុនេះ ចូរពួកអ្នកងាកចេញពីពួកគេ។ ពួកគេគឺពិតជាកខ្វក់។ ហើយទីជំរករបស់ពួក គេ គឺឋាននរកជារង្វាន់ តាមតែអ្វីដែលពួកគេធ្លាប់បានប្រព្រឹត្ត

ពួកគេនឹងស្បថស្បែ ជូនពួកអ្នក ដើម្បីឱ្យពួកអ្នកនឹងពេញចិត្តចំពោះពួកគេ។ ទោះបីពួកអ្នកពេញចិត្តចំពោះ ពួកគេយ៉ាងណាក៏ដោយ ក៏អល់ឡោះ ពិតជាលោកនឹងមិនពេញចិត្តឡើយចំពោះក្រុម មនុស្សដែលខិលខូច