Surah An-Nisa Ayahs #28 Translated in Khmer

(ត្រូវបានហាមដែរ)នារីៗភរិយាគេលើកលែងទាសីដែលនៅក្នុងកណ្តាប់ដៃរបស់ពួកអ្នក។ គឺជាការបង្គាប់របស់អល់ឡោះទៅលើពួកអ្នក។ ត្រូវបានអនុញ្ញាតជូនពួកអ្នកនូវនារីក្រៅពីនោះ ដែលពួកអ្នកស្វែងរក (ភរិយា) ដោយទ្រព្យសម្បត្តិរបស់ពួកអ្នកជាបុរសស្អាតស្អំ ពុំមែនជាបុរសផិតក្បត់ទេ។ អ្វីដែលពួកអ្នកមានសេចក្តីសុខពីពួកនាងចូរពួកអ្នកប្រគល់ជូនពួកនាង នូវរង្វាន់របស់ពួកនាង វាជាករណីយកិច្ចមួយ។ ហើយគ្មានទោសពៃរ៍ទេលើពួកអ្នកនៅក្នុងករណីដែលពួកអ្នកបានចុះសម្រុងគ្នា បន្ទាប់ពីការតម្រូវ(ខាន់ស្លា)រួចហើយ។ អល់ឡោះពិតជាអ្នកដឹងបំផុតជាអ្នកដែលមហាគតិបណ្ឌិត

ក្នុងចំណោមពួកអ្នក ជនដែលមិនទាន់មានលទ្ធភាពគ្រប់គ្រាន់ទេដើម្បីរៀបការជាមួយនារីស្អាតស្អំដែលមានជំនឿ គឺជាមួយទាសីដែលនៅក្នុងកណ្តាប់ដៃពួកអ្នកដែលនាងមានជំនឿ។ អល់ឡោះដឹងណាស់អំពីជំនឿពួកអ្នក។ ពួកអ្នកមានកំណើតពីគ្នាទៅវិញទៅមក។ ដូច្នេះចូរពួកអ្នករៀបការជាមួយពួកនាងដោយការយល់ព្រមពីគ្រួសារពួកនាង ហើយចូរពួកអ្នកប្រគល់ជូនពួកនាង នូវខាន់ស្លាពួកនាងដោយសមរម្យ ជានារីស្អាតស្អំពុំមែនជានារីផិតក្បត់ទេ ហើយក៏ពុំមែនជានារីដែលទទួលយកគេធ្វើជាសាហាយស្មន់ដែរ។ បើនារីខ្ញុំគេត្រូវបានរៀបការហើយ បន្ទាប់មកនាងបានប្រព្រឹត្តអំពើផិតក្បត់នាងត្រូវពាក់កណ្តាលនៃទណ្ឌកម្មលើនារីដែលមានប្តីរួច (មិនមែនជាទាសី)។ រឿងនេះគឺសម្រាប់ជនណាដែលខ្លាចបាបក្នុងចំណោមពួកអ្នក។ ករណីពួកអ្នកអត់ធ្មត់ គឺល្អសម្រាប់ពួកអ្នក។ ហើយអល់ឡោះជាអ្នកប្រោសប្រណីមេត្តាករុណាបំផុត

អល់ឡោះមានបំណងបំភ្លឺជូនពួកអ្នក លោកបង្ហាញផ្លូវជួនពួកអ្នក នូវរបៀបរបបមនុស្សសម័យមុន លោកទទួលយកការសោកស្តាយអំពីពួកអ្នក។ អល់ឡោះគឺជាអ្នកដឹងបំផុតជាអ្នកមហាគតិបណ្ឌិត

អល់ឡោះលោកមានបំណងនឹងទទួលយកនូវការសោកស្តាយពួកអ្នក។ រីឯពួកដែលធ្វើតាមតណ្ហា មានបំណងចង់ឱ្យពួកអ្នកល្អៀងនូវការលំអៀងមួយដ៏សែនធំ

អល់ឡោះមានបំណងនឹងសម្រាលអំពីពួកអ្នក ពីព្រោះមនុស្សត្រូវបានបង្កើតមកជាអ្នកទន់ខ្សោយបំផុត