Surah An-Nisa Ayahs #113 Translated in Khmer

ពួកអ្នកនេះហើយ គឺជាពួកដែលបានតស៊ូដើម្បីការពារពួកគេក្នុងបុព្វហេតុជីវិតលោកិយ។ តើអ្នកណាដែលតទល់នឹងអល់ឡោះដើម្បីការពារពួកគេនាថ្ងៃវិនិច្ឆ័យ? ឬមួយអ្នកណាដែលជាអ្នកដែលការពារពួកគេ?

ហើយជនណាដែលប្រព្រឹត្តអំពើអាក្រក់ ឬក៏ធ្វើបាបខ្លួនឯងក្រោយមកបានសុំប្រោសប្រណីទៅលើអល់ឡោះ ជននោះប្រាកដជានឹងបានប្រទះនូវការសណ្តោសប្រោសប្រណីមេត្តាការុណាបំផុតអំពីអល់ឡោះ

ហើយជនណាដែលសាងបាបកម្មជននោះសាងបាបកម្មតែលើខ្លួនឯងប៉ុណ្ណោះ។ ហើយអល់ឡោះជាអ្នកដឹងបំផុតមហាគតិបណ្ឌិត

ជនណាសាងអំពើខុសឆ្គងឬបាបកម្ម ក្រោយមកយកអំពើនោះទៅចោទជនគ្មានទោស ជននោះពិតជាបានរែកពុនអំពើក្លែងបំផ្លើសនិងបាបកម្មយ៉ាងច្បាស់

បើសិនគ្មានការអនុគ្រោះពីអល់ឡោះ និងការអាណិតអាសូររបស់លោកមកលើអ្នកទេ ប្រាកដជាក្រុមមួយនៃពួកគេបានប៉ងនឹងពង្វេងអ្នក។ ពួកគេពុំអាចពង្វេងក្រៅពីខ្លួនពួកគេឡើយ។ ហើយពួកគេក៏ពុំអាចផ្តល់ឧបសគ្គដល់អ្នកសូម្បីតែបន្តិច។ ហើយអល់ឡោះបានបញ្ចុះទៅលើអ្នកនូវគម្ពីរ និងគតិបណ្ឌិត។ ហើយលោកបានបង្រៀនអ្នកនូវអ្វីដែលអ្នកមិនធ្លាប់បានដឹង ។ ក្តីអនុគ្រោះរបស់អល់ឡោះទៅលើអ្នកគឺធំក្រៃលែងណាស់