Surah An-Nisa Ayahs #116 Translated in Khmer

ជនណាសាងអំពើខុសឆ្គងឬបាបកម្ម ក្រោយមកយកអំពើនោះទៅចោទជនគ្មានទោស ជននោះពិតជាបានរែកពុនអំពើក្លែងបំផ្លើសនិងបាបកម្មយ៉ាងច្បាស់

បើសិនគ្មានការអនុគ្រោះពីអល់ឡោះ និងការអាណិតអាសូររបស់លោកមកលើអ្នកទេ ប្រាកដជាក្រុមមួយនៃពួកគេបានប៉ងនឹងពង្វេងអ្នក។ ពួកគេពុំអាចពង្វេងក្រៅពីខ្លួនពួកគេឡើយ។ ហើយពួកគេក៏ពុំអាចផ្តល់ឧបសគ្គដល់អ្នកសូម្បីតែបន្តិច។ ហើយអល់ឡោះបានបញ្ចុះទៅលើអ្នកនូវគម្ពីរ និងគតិបណ្ឌិត។ ហើយលោកបានបង្រៀនអ្នកនូវអ្វីដែលអ្នកមិនធ្លាប់បានដឹង ។ ក្តីអនុគ្រោះរបស់អល់ឡោះទៅលើអ្នកគឺធំក្រៃលែងណាស់

ពុំមែនល្អទេនៅក្នុងការនិយាយខ្សឹបច្រើនរបស់គេនោះ លើកលែងតែអ្នកដែលបានបង្គាប់ដាក់ទាននិងអំពើល្អ ឬការផ្សះផ្សារវាងមនុស្ស។ ជនណាប្រព្រឹត្តអំពើទាំងនេះដើម្បីរកការយល់ព្រមអំពីអល់ឡោះ។ យើងនឹងប្រទានដល់ជននោះនូវរង្វាន់ដ៏ធំក្រៃលែង

ហើយជនណាដែលជំទាស់នឹងរ៉សូល បន្ទាប់ពីការណែនាំបានលេចធ្លោច្បាស់ចំពោះគេហើយ ជននោះនៅតែធ្វើតាមក្រៅពីផ្លូវរបស់ពួកមានជំនឿ យើងពិតជានឹងផ្តល់លទ្ធភាពឱ្យជននោះ នូវអ្វីដែលខ្លួនគេបានបែរចេញ​​​​ ហើយយើងនឹងបញ្ចូលជននោះទៅនរក។ ជាទីស្ថានដ៏អាក្រក់

ការពិតអល់ឡោះ លោកមិនប្រោសប្រណីទេដែលគេធ្វើស៊ីរិកនឹងលោក ហើយលោកប្រោសប្រណីនូវអ្វីដែលក្រៅពីនេះចំពោះជនដែលលោកប្រាថ្នាហើយជនណាដែលស៊ីរិកនឹងអល់ឡោះ ជននោះពិតជា បានភ័ន្តវង្វេងដ៏សែនឆ្ងាយ