Surah An-Nahl Ayahs #40 Translated in Khmer

ជាការពិតណាស់ នៅក្នុងសហគមន៍នីមួយៗ យើងបានតែងតាំងរ៉សូលម្នាក់ ចូរពួកអ្នក គោរពប្រណិប័តន៍អល់ឡោះ និងចូរពួកអ្នកឃ្លាតពីអំពើផ្គើនបំពានទាំងឡាយ រួចមកក្នុង ចំណោមពួកគេ មានអ្នកដែលអល់ឡោះបានមគ្គុទ្ទេស ហើយចំណោមពួកគេ មានអ្នក ដែលបានត្រូវសំរេចទៅលើពួកគេ ដោយសេចក្តីវង្វេង។ ដូច្នេះ ចូរពួកអ្នកធ្វើដំណើរ នៅឯភពផែនដី រួចមក ចូរពួកអ្នកពិនិត្យមើល តើទីបញ្ចប់របស់ពួកបដិសេធនឹងបាន ក្លាយទៅជាយ៉ាងដូចម្តេចដែរ?

ទោះបីអ្នកលោភចង់បានលើការមគ្គុទ្ទេសន៍ពួកគេ ក៏ដោយ ក៏អល់ឡោះប្រាកដជានឹងមិនមគ្គុទ្ទេសឡើយ ចំពោះជនដែលលោកបានបន្សាត់ វង្វេង។ ហើយពួកគេក៏គ្មានដែរនៃពួកអ្នកដែលជួយគាំទ្រ

ហើយពួកគេបានស្បថស្បែ នឹងអល់ឡោះ នូវការស្បថស្បែមួយរបស់ពួកគេយ៉ាងខ្លាំងថា អ្នកដែលស្លាប់ អល់ឡោះ នឹងមិនប្រោសឡើងវិញឡើយ។ ផ្ទុយទៅវិញ នៅលើការងារនេះ ជាការសន្យាមួយដែល សច្ចៈ ក៏ប៉ុន្តែភាគច្រើននៃមនុស្សនៅតែមិនដឹង

ដើម្បីលោកនឹងបញ្ជាក់ច្បាស់ទៅ លើពួកគេ នូវអ្វីដែលពួកគេខ្វែងយោបល់គ្នានោះ និងដើម្បីពួកដែលអជំនឿនឹងដឹងថា ពួកគេពិតជាពួកដែលភូតកុហក

សំដីរបស់យើងចំពោះវត្ថុណាមួយ កាលណាយើង មានបំណងប្រាថ្នា យើងគ្រាន់តែនិយាយទៅកាន់វត្ថុនោះថា ចូរអ្នកកើតមាន! វត្ថុនោះ នឹងកើតមានភ្លាម