Surah Al-Maeda Ayahs #86 Translated in Khmer

អ្នកពិតជានឹងប្រទះមនុស្ស ជាសត្រូវខ្លាំងជាងគេចំពោះពួកដែលបានជឿ គឺពួកយ៉ាហ៊ូទ និងពួកដែលបានធ្វើស៊ីរិក។ ហើយអ្នកពិតជានឹងប្រទះពួកគេ ជាទីស្រលាញ់ជិតជាងគេ ចំពោះពួកដែលបានជឿ គឺពួកដែល បាននិយាយថា ពួកយើងជាពួកណាសារ៉។ រឿងដូចនេះ ដោយ សារមានក្នុងចំណោមពួកគេ គឺមានពួកវិជ្ជាការ និងបព្វជិត ហើយនឹងដោយសារតែពួកគេ មិនបានកាន់ប្ញកក្អេងក្អាង

កាលណាពួកគេបានឮនូវអ្វីដែលគេបានបញ្ចុះទៅកាន់រ៉សូលនោះ អ្នកនឹង ឃើញភ្នែករបស់ពួកគេបង្ហូរទឹកភ្នែក ដោយសារតែពួកគេបានយល់ពីការ ពិត។ ពួកគេនិយាយថា ឱម្ចាស់របស់យើ់ង! ពួកយើងជឿហើយ ហេតុនេះ សូមលោកកត់ត្រាយើងជាមួយពួកសាក្សីផង

តើយើងមានអ្វីដែលថា យើងមិនជឿនឹងអល់ឡោះ មិនជឿនឹងការពិត ដែលបានមកដល់យើង ហើយក្នុងករណីយើង មានមហិច្ឆតាចង់ឱ្យម្ចាស់យើងបញ្ចូលយើងជាមួយ អ្នកគុណធម៌

ដោយសារអ្វីដែលពួកគេបាននិយាយ អល់ឡោះក៏បានផ្តល់ រង្វាន់ទៅឱ្យពួកគេ នូវឋានសួគ៌ដែលមានទន្លេជាច្រើនហូរកាត់ពីក្រោម នោះ ជាពួកអនន្តកាលនៅក្នុងនោះ។ នេះហើយជាការតបស្នងរបស់ពួក សប្បុរសជន

រីឯពួកដែលបានបាត់បង់ជំនឿ និងបានមួលបង្កាច់ អាយ៉ាត់ៗយើង ពួកទាំងនោះហើយជាពួកភ្លើងនរក