Surah Al-Baqara Ayahs #272 Translated in Khmer

ស្ហៃតនបន្លាចចំពោះពួកអ្នកថាក្រហើយវានឹងជំរុញពួកអ្នកឱ្យធ្វើអាក្រក់។ អល់ឡោះសន្យានឹងពួកអ្នកថាការប្រោសប្រណីទោសនិងការអនុគ្រោះពីលោក។ អល់ឡោះជាអ្នកដែលទូលាយជាអ្នកដែល ដឹងបំផុត

លោកប្រទានគតិបណ្ឌិតចំពោះជនណាដែលលោកសោមនស្ស។ ហើយជនណាហើយដែលត្រូវគេប្រទាននូវគតិបណ្ឌិតពិត ជាត្រូវបានគេប្រទាននូវកុសលដ៏ច្រើនលើសលប់។ ហើយនឹងមិនទទួល បានការណែនាំឡើយលើកលែងតែពួកដែលមានវិចារណញ្ញាណ

ទានណាមួយដែលពួកអ្នកបានបរិច្ចាគឬបំណន់ណាមួយដែល ពួកអ្នកបានបន់នោះអល់ឡោះពិតជាដឹង។ ហើយពួកដែលបំពារបំពានគ្មានអ្នកណាម្នាក់ជួយឡើយ

ប្រសិនបើពួក អ្នកលាតត្រដាងទានទាំងឡាយ វាជាការល្អម៉្យាងហើយប្រសិន បើពួកអ្នកលាក់ទាននោះហើយពួកអ្នកផ្តល់វាទៅពួកទុរគតជន គឺជាការល្អសម្រាប់ពួកអ្នក។ លោកនឹងលុបលាងពីពួកអ្នកនូវ អំពើអាក្រក់ទាំងឡាយរបស់ពួកអ្នក។ អល់ឡោះជាអ្នកដែលជ្រាបដឹងបំផុតពីអ្វីដែលពួកអ្នកប្រព្រឹត្ត

មគ្គុទ្ទេសន៍ចំពោះពួកគេពុំមែនជាភារកិច្ចរបស់អ្នកទេ ក៏ប៉ុន្តែអល់ឡោះលោកនឹងមគ្គុទ្ទេសចំពោះជនដែលលោកសោមនស្ស។ហើយអ្វី ដែលពួកអ្នកបរិច្ចាគជាកុសលគឺពិតជាសម្រាប់ខ្លួនរបស់ពួកអ្នកផ្ទាល់។ ហើយពួកអ្នកមិនបរិច្ចាគក្រៅពីដើម្បីស្វែងរកបុព្វហេតុអល់ឡោះ។ ហើយអ្វីដែលពួកអ្នកបានបរិច្ចាគជាកុសលលោក នឹងបំពេញជូនពួកអ្នកវិញ។ ហើយពួកអ្នកមិនត្រូវគេបំពារបំពានឡើយ