Surah Al-Baqara Ayahs #25 Translated in Khmer

ឱមនុស្សទាំងឡាយ! ចូរពួកអ្នកគោរពប្រណិប័តន៍ម្ចាស់ពួកអ្នក ដែលបានបង្កើតពួកអ្នក និងពួកដែលមុនពួកអ្នក សង្ឃឹមថា ពួកអ្នកគោរព កោតខ្លាច

លោកជាអ្នកដែលបានបង្កើតដីជាកំរាល និងមេឃជាដំបូល ហើយលោកបានបង្អុរទឹកពីមេឃ ដោយសារទឹក លោកបានបញ្ចោញនូវផ្លែ ឈើជាច្រើន ដើម្បីជាចំណីសម្រាប់ពួកអ្នក។ ហេតុនេះ ចូរពួកអ្នកកុំចាត់ ទុកអល់ឡោះមានដៃគូ ទាំងពួកអ្នកបានដឹង

ហើយបើពួកអ្នកស្ថិតក្នុង ការមន្ទិលសង្ស័យពីអ្វីដែលយើងបានបញ្ចុះទៅលើអ្នកគោរពយើងនោះ ចូរ ពួកអ្នកនាំមកនូវមួយជំពូកឱ្យដូចគ្នានឹងវា ហើយចូរពួកអ្នកអញ្ជើញសាក្សីពួក អ្នកក្រៅពីអល់ឡោះ បើពួកអ្នកជាពួកអ្នកត្រង់មែន

ប៉ុន្តែបើពួកអ្នកធ្វើ មិនកើត និងពួកអ្នកមិនអាចធ្វើបាន ចូរពួកអ្នកខ្លាចនរកដែលគ្រឿងបង្កាត់ នរកនោះ គឺមនុស្ស និងដុំថ្ម។ គេបានត្រៀមនរក សម្រាប់ពួកគ្មានជំនឿ

ហើយចូរអ្នកផ្តល់ដំណឹងរីករាយចំពោះពួកដែលបានជឿ និងបានសាងអំពើ ល្អថា សម្រាប់ពួកគេ គឺឋានសួគ៌ទាំងឡាយដែលមានទន្លេជាច្រើនហូរកាត់ ពីក្រោមនោះ។ នៅរាល់លើកដែលពួកគេ ត្រូវបានគេផ្តល់ចំណីផ្លែឈើពី ឋានសួគ៌ជាអាហារនោះ ពួកគេថា នេះហើយដែលគេបានផ្តល់ចំណីឱ្យពួក យើងកាលពីមុន។ គេធ្លាប់បានផ្តល់ឱ្យពួកគេ នូវចំណីប្រហាក់ប្រហែលគ្នា។ ហើយនៅក្នុងឋានសួគ៌ ពួកគេមានភរិយាដ៏ស្អាតៗ។ ហើយពួកគេជាពួក ដែលស្ថិតអមតៈនៅក្នុងឋានសួគ៌