Surah Al-Baqara Ayahs #28 Translated in Khmer

ប៉ុន្តែបើពួកអ្នកធ្វើ មិនកើត និងពួកអ្នកមិនអាចធ្វើបាន ចូរពួកអ្នកខ្លាចនរកដែលគ្រឿងបង្កាត់ នរកនោះ គឺមនុស្ស និងដុំថ្ម។ គេបានត្រៀមនរក សម្រាប់ពួកគ្មានជំនឿ

ហើយចូរអ្នកផ្តល់ដំណឹងរីករាយចំពោះពួកដែលបានជឿ និងបានសាងអំពើ ល្អថា សម្រាប់ពួកគេ គឺឋានសួគ៌ទាំងឡាយដែលមានទន្លេជាច្រើនហូរកាត់ ពីក្រោមនោះ។ នៅរាល់លើកដែលពួកគេ ត្រូវបានគេផ្តល់ចំណីផ្លែឈើពី ឋានសួគ៌ជាអាហារនោះ ពួកគេថា នេះហើយដែលគេបានផ្តល់ចំណីឱ្យពួក យើងកាលពីមុន។ គេធ្លាប់បានផ្តល់ឱ្យពួកគេ នូវចំណីប្រហាក់ប្រហែលគ្នា។ ហើយនៅក្នុងឋានសួគ៌ ពួកគេមានភរិយាដ៏ស្អាតៗ។ ហើយពួកគេជាពួក ដែលស្ថិតអមតៈនៅក្នុងឋានសួគ៌

អល់ឡោះពិតជាមិនខ្មាសទេនឹងធ្វើ ឧទាហរណ៍នូវអ្វីក៏ដោយ តាំងពីសត្វមូសរហូតដល់អ្វីដែលបានលើសពីនេះ ទៀត។ ចំពោះពួកដែលមានជំនឿវិញ ពួកគេនៅតែដឹងថា ការងារនេះ ប្រាកដជាមកពីម្ចាស់របស់ពួកគេ ។ រីឯពួកដែលគ្មានជំនឿវិញ ពួកគេនៅតែថា តើអល់ឡោះមាន?បំណងអ្វីនឹងឧទាហរណ៍ដូចនេះ។ ដោយសារឧទាហរណ៍ នេះ លោកធ្វើឱ្យវង្វេងជាច្រើនណាស់ ហើយដោយសារឧទាហរណ៍នេះ ដែរ លោកមគ្គុទ្ទេសជាច្រើនណាស់ដែរ។ ដោយសារតែឧទាហរណ៍នេះ លោកមិនធ្វើឱ្យវង្វេងក្រៅពីពួកដែលខិលខូចឡើយ

ពួកដែលបានក្បត់ កិច្ចសន្យាអល់ឡោះ បន្ទាប់ពីការសន្យារួច ហើយពួកគេបានកាត់ផ្តាច់នូវអ្វី ដែលអល់ឡោះបានតម្រូវឱ្យគេតភ្ជាប់ ហើយពួកគេបានបំផ្លិចបំផ្លាញនៅ លើដី។ ពួកទាំងអស់នេះហើយ ជាពួកដែលខាតបង់

តើហេតុដូចម្តេច បានជាពួកអ្នកអជំនឿនឹងអល់ឡោះ ក្នុងករណីពួកអ្នកជាអ្នកស្លាប់ ក្រោយមក លោកបានផ្តល់ជីវិតឱ្យពួកអ្នក បន្ទាប់មក លោកនឹងយកជីវិតពួកអ្នក បន្ទាប់មកទៀត លោកនឹងផ្តល់ជិវិតឱ្យពួកអ្នក ក្រោយមក ពួកអ្នកត្រូវគេបញ្ជូន ត្រលប់ទៅលោកវិញ