Surah Al-Baqara Ayahs #201 Translated in Khmer

ហាជ្ជ (បូជនីយកិច្ចធំ) សុទ្ធតែជាខែដែលគេដឹងស្រាប់។ក្នុងខែទាំងនោះ ជនណាដែលមានកាតព្វកិច្ចហាជ្ជ គឺគ្មានទេការរួមសង្វាស ហើយគ្មានទេការខិលខូច ហើយក៏គ្មានដែរការប្រឈ្លោះគ្នានៅពេលហាជ្ជនេះ។ អំពើកុសលណាមួយក៏ដោយដែលពួកអ្នកប្រព្រឹត្ត អល់ឡោះដឹងទាំងអស់។ ចូរពួកអ្នកត្រៀមស្បៀង។ ស្បៀងដ៏ល្អប្រសើរនោះ គឺការគោរពកោតខ្លាច។ ចូរពួកអ្នកគោរពកោតខ្លាចយើងឱអ្នកដែលមានបញ្ញា

ពុំមានទោស ពៃរ៍លើពួកអ្នកទេប្រសិនបើពួកអ្នកស្វែងរកក្តីអនុគ្រោះមួយពីម្ចាស់របស់ពួកអ្នក។ រួចមកកាលណាពួកអ្នកចាកចេញពីអារ៉ហ្វះ ពេលនោះចូរពួកអ្នក រលឹកទៅចំពោះអល់ឡោះនៅឯម៉ាស្អារីលហារ៉មហើយចូរពួកអ្នករលឹក លោកដូចដែលលោកបានមគ្គុទ្ទេសពួកអ្នក ទោះបីពីមុននេះពួកអ្នកមានក្នុងចំណោមពួកភាន់វង្វេងក៏ដោយ

ក្រោយមក ចូរពួកអ្នកចាកចេញពីទីណាដែលមនុស្សបានចាកចេញ ហើយចូរពួកអ្នកសុំអភ័យទោសទៅអល់ឡោះ។ អល់ឡោះពិតជាអ្នកអភ័យទោសឱ្យជាអ្នកអាណិតស្រឡាញ់បំផុត

រួចកាលណាពួកអ្នកបានរួចស្រេចពីកាតព្វកិច្ចហាជ្ជរបស់ពួកអ្នក ពេលនោះចូរពួកអ្នករលឹកទៅចំពោះអល់ឡោះ ដូចការនឹករបស់ពួកអ្នកទៅចំពោះជីដូនជីតារបស់ពួកអ្នកឬនឹកខ្លាំងជាងទៅទៀត។ ហើយក្នុងចំណោមមនុស្សនោះ មានអ្នកនិយាយថា ឱម្ចាស់របស់យើងសូមលោកផ្តល់ឱ្យ យើងនៅក្នុងលោកីយ៍នេះផង។ ហើយមនុស្សនោះនៅលោកខាងមុខ គឺ គ្មានវាសនាណាមួយទេ

ហើយក្នុងចំណោមពួកគេ មានអ្នកនិយាយ ថា ឱម្ចាស់របស់យើង សូមលោកផ្តល់ឱ្យយើងនៅក្នុងលោកិយនូវវាសនា ល្អ និងនៅលោកខាងមុខនូវវាសនាល្អ ហើយសូមលោកការពារពួកយើងពី ទណ្ឌកម្មនរកផង