Surah Al-Baqara Ayahs #203 Translated in Khmer

ក្រោយមក ចូរពួកអ្នកចាកចេញពីទីណាដែលមនុស្សបានចាកចេញ ហើយចូរពួកអ្នកសុំអភ័យទោសទៅអល់ឡោះ។ អល់ឡោះពិតជាអ្នកអភ័យទោសឱ្យជាអ្នកអាណិតស្រឡាញ់បំផុត

រួចកាលណាពួកអ្នកបានរួចស្រេចពីកាតព្វកិច្ចហាជ្ជរបស់ពួកអ្នក ពេលនោះចូរពួកអ្នករលឹកទៅចំពោះអល់ឡោះ ដូចការនឹករបស់ពួកអ្នកទៅចំពោះជីដូនជីតារបស់ពួកអ្នកឬនឹកខ្លាំងជាងទៅទៀត។ ហើយក្នុងចំណោមមនុស្សនោះ មានអ្នកនិយាយថា ឱម្ចាស់របស់យើងសូមលោកផ្តល់ឱ្យ យើងនៅក្នុងលោកីយ៍នេះផង។ ហើយមនុស្សនោះនៅលោកខាងមុខ គឺ គ្មានវាសនាណាមួយទេ

ហើយក្នុងចំណោមពួកគេ មានអ្នកនិយាយ ថា ឱម្ចាស់របស់យើង សូមលោកផ្តល់ឱ្យយើងនៅក្នុងលោកិយនូវវាសនា ល្អ និងនៅលោកខាងមុខនូវវាសនាល្អ ហើយសូមលោកការពារពួកយើងពី ទណ្ឌកម្មនរកផង

ពួកទាំងអស់នោះហើយដែលមានវាសនាមួយនៃអ្វី ដែលពួកគេបានខិតខំ។ អល់ឡោះជាអ្នកឆាប់បំផុតចំពោះការវិនិច្ឆ័យ

ចូរពួកអ្នករំលឹកអល់ឡោះនៅក្នុងថ្ងៃដែលត្រូវគេរាប់កំណត់រួច(បីថ្ងៃ)ក្រោយមក ជនដែលចង់ប្រញាប់ក្នុងកំលុងពីរថ្ងៃ គឺគ្មានបាបកម្មទេលើជននោះ ហើយជនដែលចង់ពន្យារ គឺគ្មានបាបកម្មដែរលើជននោះ សម្រាប់អ្នកដែលបានគោរពកោតខ្លាច។ ចូរពួកអ្នកគោរពកោតខ្លាចអល់ឡោះ ហើយចូរពួកអ្នកដឹងថា ពួកអ្នកនឹងត្រូវគេកេណ្ឌឆ្ពោះទៅលោក