Surah Al-Baqara Ayahs #200 Translated in Khmer

ហើយចូរពួកអ្នក បំពេញហាជ្ជ និងអុំរ៉ោះដើម្បីអល់ឡោះ។ បើសិនពួកអ្នកត្រូវបានគេហាមឃាត់ពេលនោះ គឺជំនូនណាមួយ (សំឡេះសត្វ) ដែលយល់ថាងាយ។ ហើយចូរអ្នកកុំអាលកោរក្បាលរបស់ ពួកអ្នកលុះត្រាតែជំនូននោះទៅដល់កន្លែងវាសិន។ ហើយជនដែលក្នុងចំណោមពួកអ្នកដែលជាអ្នកមានជំងឺ ឬជននោះមានការឈឺត្រង់ក្បាលរបស់គេពេលនោះ គឺការលោះមួយដោយសោម ឬការដាក់ទានឬពិឃាតសត្វ។ កាលណាពួកអ្នកបានសុខហើយ អ្នកដែលចង់បានងាយស្រួលនឹងអុំរ៉ោះរហូតដល់ហាជ្ជ គឺជំនូនណាមួយដែលយល់ថាងាយ។ ហើយជនណាដែលគ្មានលទ្ធភាព គឺការសោមបីថ្ងៃក្នុងហាជ្ជ និងប្រាំពីរថ្ងៃ កាលណាពួកគេបានត្រឡប់វិញ។ នោះគឺដប់ថ្ងៃពេញ។ នោះហើយសម្រាប់អ្នកដែលគ្រួសាររបស់គេ មិនមែនជាអ្នកដែលនៅម៉ាស្ជីទិលហារ៉ាម។ ហើយចូរពួកអ្នកគោរពកោតខ្លាចអល់ឡោះ។ ហើយចូរពួកអ្នកដឹងថាពិតប្រាកដអល់ឡោះជាអ្នកដែលដាក់ទណ្ឌកម្មដ៏តឹងរ៉ឹងបំផុត

ហាជ្ជ (បូជនីយកិច្ចធំ) សុទ្ធតែជាខែដែលគេដឹងស្រាប់។ក្នុងខែទាំងនោះ ជនណាដែលមានកាតព្វកិច្ចហាជ្ជ គឺគ្មានទេការរួមសង្វាស ហើយគ្មានទេការខិលខូច ហើយក៏គ្មានដែរការប្រឈ្លោះគ្នានៅពេលហាជ្ជនេះ។ អំពើកុសលណាមួយក៏ដោយដែលពួកអ្នកប្រព្រឹត្ត អល់ឡោះដឹងទាំងអស់។ ចូរពួកអ្នកត្រៀមស្បៀង។ ស្បៀងដ៏ល្អប្រសើរនោះ គឺការគោរពកោតខ្លាច។ ចូរពួកអ្នកគោរពកោតខ្លាចយើងឱអ្នកដែលមានបញ្ញា

ពុំមានទោស ពៃរ៍លើពួកអ្នកទេប្រសិនបើពួកអ្នកស្វែងរកក្តីអនុគ្រោះមួយពីម្ចាស់របស់ពួកអ្នក។ រួចមកកាលណាពួកអ្នកចាកចេញពីអារ៉ហ្វះ ពេលនោះចូរពួកអ្នក រលឹកទៅចំពោះអល់ឡោះនៅឯម៉ាស្អារីលហារ៉មហើយចូរពួកអ្នករលឹក លោកដូចដែលលោកបានមគ្គុទ្ទេសពួកអ្នក ទោះបីពីមុននេះពួកអ្នកមានក្នុងចំណោមពួកភាន់វង្វេងក៏ដោយ

ក្រោយមក ចូរពួកអ្នកចាកចេញពីទីណាដែលមនុស្សបានចាកចេញ ហើយចូរពួកអ្នកសុំអភ័យទោសទៅអល់ឡោះ។ អល់ឡោះពិតជាអ្នកអភ័យទោសឱ្យជាអ្នកអាណិតស្រឡាញ់បំផុត

រួចកាលណាពួកអ្នកបានរួចស្រេចពីកាតព្វកិច្ចហាជ្ជរបស់ពួកអ្នក ពេលនោះចូរពួកអ្នករលឹកទៅចំពោះអល់ឡោះ ដូចការនឹករបស់ពួកអ្នកទៅចំពោះជីដូនជីតារបស់ពួកអ្នកឬនឹកខ្លាំងជាងទៅទៀត។ ហើយក្នុងចំណោមមនុស្សនោះ មានអ្នកនិយាយថា ឱម្ចាស់របស់យើងសូមលោកផ្តល់ឱ្យ យើងនៅក្នុងលោកីយ៍នេះផង។ ហើយមនុស្សនោះនៅលោកខាងមុខ គឺ គ្មានវាសនាណាមួយទេ