Surah Al-Baqara Ayahs #182 Translated in Khmer

ឱពួកអ្នកដែលបានជឿ គេបានបង្គាប់ ទៅលើពួកអ្នកនូវសមទណ្ឌ ក្នុងករណីឃាតកម្ម អ្នកមានសេរីភាព ដោយ អ្នកមានសេរីភាព ទាសៈដោយទាសៈ ស្ត្រីដោយស្ត្រី។ ឃាតកដែលត្រូវបាន គេអត់ឱនឱ្យពីបងប្អូនរបស់គេនូវប្រការអ្វីមួយ គឺត្រូវតែអនុវត្តតាមដំណោះស្រាយដោយសមហេតុសមផល និងត្រូវបង់ជំងឺចិត្តទៅកាន់គេវិញដោយអំពើកុសល។ នោះហើយគឺជាការសំរាល និងការប្រោសប្រណីមួយពីម្ចាស់ពួកអ្នក។ បន្ទាប់ពីនេះជនណាដែលបានបំពាន ជននោះត្រូវរងទណ្ឌកម្មមួយដ៏ខ្លោចផ្សាបំផុត

សម្រាប់ពួកអ្នកនៅក្នុងករណីសមទណ្ឌនេះគឺជា ការរស់រានមួយឱអ្នកដែលមានបញ្ញា ដើម្បីពួកអ្នកគោរពកោតខ្លាច

កាលណាសេចក្តីស្លាប់បានទៅដល់អ្នកណាម្នាក់ ក្នុងចំណោមពួកអ្នកប្រសិន បើគេបានបន្សល់ទុកនូវទ្រព្យសម្បត្តិណាមួយនោះ គេបានបង្គាប់លើពួកអ្នកនូវមរតកសាសន៍ដោយសមរម្យ សម្រាប់មាតាបិតា និងញាតិជិតខាង។ ជាករណីកិច្ចមួយលើពួកគោរពកោតខ្លាច

ជនដែលបានកែប្រែរឿងនេះ បន្ទាប់ពីគេបានឮរួចហើយនោះ បាបកម្មនោះត្រូវតែទៅលើពួកដែលកែប្រែ នោះប៉ុណ្ណោះ។ អល់ឡោះពិតជាអ្នកដែលឮបំផុតជាអ្នកដែលដឹងបំផុត

រីឯជនដែលខ្លាចអ្នកមរតកសាសន៍ណាម្នាក់ មានលំអៀងឬបាបកម្ម ជននោះក៏បានផ្សះផ្សារវាងពួកគេ គឺគ្មានបាបកម្មឡើយនៅលើជននោះ។ អល់ឡោះពិតជាអ្នកអភ័យទោសឱ្យជាអ្នកអាណិតស្រឡាញ់បំផុត