Surah Al-Baqara Ayahs #20 Translated in Khmer

ពួកទាំងនេះហើយ គឺជាពួកដែល បានយកមគ្គុទ្ទេសន៍ទៅទិញនឹងការវង្វេង។ ដូចនេះដែរ ការជួញដូររបស់ពួកគេ ឥតបានចំណេញទេ ហើយពួកគេក៏ពុំមែនជាពួកទទួលបានមគ្គុទ្ទេសន៍ដែរ

ប្រៀបធៀបពួកគេ បីដូចអ្នកដែលបានបង្កាត់ភ្លើង នៅពេលដែលភ្លើងបាន បំភ្លឺនូវអ្វីដែលមានជុំវិញគេនោះ អល់ឡោះបាននាំទៅបាត់នូវរស្មីរបស់ពួកគេ ហើយលោកទុកឱ្យពួកគេស្ថិតក្នុងភាពងងឹតឈឹង ដែលពួកគេមិនអាចមើលឃើញ

ពួកគេថ្លង់ គ ខ្វាក់ ហេតុនេះ ពួកគេមិនវិលត្រលប់វិញឡើយ

ឬប្រៀបបាននឹងអ្នកដែលត្រូវភ្លៀងខ្លាំងពីមេឃ ក្នុងពេលនោះងងឹត ឈឹង ហើយមានផ្គរ និងរន្ទះ ពួកគេយកម្រាមដៃពួកគេខ្ទប់ត្រចៀកពួកគេ ដោយសារស្នូររន្ទះ ព្រោះតែខ្លាចសេចក្តីស្លាប់។ អល់ឡោះជាអ្នកជ្រួតជ្រាប បំផុតពីពួកគ្មានជំនឿ

រន្ទះស្ទើរតែនឹងឆក់យកកែវភ្នែកពួកគេ។ នៅរាល់ដង ដែលរន្ទះបានបំភ្លឺឱ្យពួកគេ ពួកគេក៏ធ្វើដំណើរក្នុងពេលនោះ។ ហើយ បើកាលណាងងឹតបានគ្របលើពួកគេវិញ ពួកគេឈរស្ងៀម ។ បើអល់ឡោះ មានបំណង លោកច្បាស់ជាធ្វើឱ្យបាត់បង់សោតវិញ្ញាណ និងចក្ខុវិញ្ញាណ ទាំងឡាយរបស់ពួកគេ។ អល់ឡោះពិតជាអ្នកដែលមានមហិទ្ធិប្ញទ្ធិលើអ្វីៗទាំងអស់