Surah Al-Baqara Ayahs #22 Translated in Khmer

ពួកគេថ្លង់ គ ខ្វាក់ ហេតុនេះ ពួកគេមិនវិលត្រលប់វិញឡើយ

ឬប្រៀបបាននឹងអ្នកដែលត្រូវភ្លៀងខ្លាំងពីមេឃ ក្នុងពេលនោះងងឹត ឈឹង ហើយមានផ្គរ និងរន្ទះ ពួកគេយកម្រាមដៃពួកគេខ្ទប់ត្រចៀកពួកគេ ដោយសារស្នូររន្ទះ ព្រោះតែខ្លាចសេចក្តីស្លាប់។ អល់ឡោះជាអ្នកជ្រួតជ្រាប បំផុតពីពួកគ្មានជំនឿ

រន្ទះស្ទើរតែនឹងឆក់យកកែវភ្នែកពួកគេ។ នៅរាល់ដង ដែលរន្ទះបានបំភ្លឺឱ្យពួកគេ ពួកគេក៏ធ្វើដំណើរក្នុងពេលនោះ។ ហើយ បើកាលណាងងឹតបានគ្របលើពួកគេវិញ ពួកគេឈរស្ងៀម ។ បើអល់ឡោះ មានបំណង លោកច្បាស់ជាធ្វើឱ្យបាត់បង់សោតវិញ្ញាណ និងចក្ខុវិញ្ញាណ ទាំងឡាយរបស់ពួកគេ។ អល់ឡោះពិតជាអ្នកដែលមានមហិទ្ធិប្ញទ្ធិលើអ្វីៗទាំងអស់

ឱមនុស្សទាំងឡាយ! ចូរពួកអ្នកគោរពប្រណិប័តន៍ម្ចាស់ពួកអ្នក ដែលបានបង្កើតពួកអ្នក និងពួកដែលមុនពួកអ្នក សង្ឃឹមថា ពួកអ្នកគោរព កោតខ្លាច

លោកជាអ្នកដែលបានបង្កើតដីជាកំរាល និងមេឃជាដំបូល ហើយលោកបានបង្អុរទឹកពីមេឃ ដោយសារទឹក លោកបានបញ្ចោញនូវផ្លែ ឈើជាច្រើន ដើម្បីជាចំណីសម្រាប់ពួកអ្នក។ ហេតុនេះ ចូរពួកអ្នកកុំចាត់ ទុកអល់ឡោះមានដៃគូ ទាំងពួកអ្នកបានដឹង