Surah Al-Baqara Ayahs #118 Translated in Khmer

តើជនណាដែលបំពានជាងអ្នកដែលបានរារាំងម៉ាស្ជិទ អល់ឡោះ មិនឱ្យគេរំលឹកក្នុងម៉ាស្ជិទនោះនូវឈ្មោះរបស់ម្ចាស់ ហើយបានរិះរកមធ្យោបាយក្នុងការបំផ្លាញម៉ាស្ជិទនោះទៀត។ ពួកទាំងនេះហើយដែល ពួកគេមិនសមនឹងចូលទៅម៉ាស្ជិទនោះទេ លើកលែងតែអ្នកកោតខ្លាច។ សម្រាប់ពួកគេនៅក្នុងលោកិយ គឺសេចក្តីវេទនា ហើយសម្រាប់ពួកគេនៅបរលោក គឺទណ្ឌកម្មមួយដ៏ធ្ងន់ធ្ងរ

កម្មសិទ្ធិរបស់អល់ឡោះ ទិសខាងកើត និងទិសខាងលិច។ ឯណាក៏ដោយដែលពួកអ្នកតំរង់ គឺនៅឯនោះ ហើយវ៉ាជហ៍អល់ឡោះ។ អល់ឡោះពិតជាអ្នកទូលំទូលាយ ជាអ្នកដឹងបំផុត

ពួកគេនិយាយថា អល់ឡោះទទួលយកធ្វើជាបុត្រ។ មហាបរិសុទ្ធលោក។ មិនមែនទេ! កម្មសិទ្ធិរបស់លោក គឺអ្វីដែលមាននៅលើមេឃ និងអ្វីនៅលើដី។ ទាំងអស់នោះ សុទ្ធតែជាអ្នកគោរពលោក

ជាអ្នកបង្កបង្កើត មេឃនិងដី។ កាលណាលោកចង់សំរេចការងារណាមួយ លោកគ្រាន់តែ និយាយទៅកាន់ការងារនោះថា “កើតទៅ” ការងារនោះ ក៏កើតភ្លាម

ពួកដែលមិនដឹងបាននិយាយថា ហេតុអ្វីអល់ឡោះមិននិយាយមកពួកយើង ឬគ?នាអាយ៉ាត់ណាមួយដល់មកពួកយើង? ដូចនេះដែរ ពួកកាលពីមុនពួកគេក៏ បាននិយាយដូចសំដីពួកគេដែរ។ ទឹកចិត្តពួកគេប្រហាក់ប្រហែលគ្នា។ ការពិត យើងបានបញ្ជាក់អាយ៉ាត់ជាច្រើន ជូនក្រុមមនុស្សដែលជឿប្រាកដ