Surah Al-Araf Ayahs #192 Translated in Khmer

ចូរអ្នកថាទៅ យើងមិនអាចទាញយកសំរាប់ខ្លួនយើងនូវអត្ថប្រយោជន៍ ឬឧបសគ្គណាមួយក្រៅពី អ្វីដែលអល់ឡោះបំណងប្រាថ្នានោះឡើយ ប្រសិនបើយើងធ្លាប់បានដឹងនូវអាថ៌កំបាំង យើងប្រាកដ ជាបានសម្បូណ៍ហូរហៀរនៃផលចំណេញ ហើយអំពើអកុសលក៏មិនបានប៉ះពាល់យើងបានដែរ។ យើងគ្មានអ្វីក្រៅពីជាអ្នកព្រមាន និងជាអ្នកផ្សាយដំណឹងល្អជូនដល់មនុស្សជឿនោះឡើយ

លោកដែលបានបង្កើតពួកអ្នកពីមនុស្សម្នាក់ ហើយអំពីមនុស្សនេះ លោកបានបង្កើតគូស្រកររបស់ វា ដើម្បីឱ្យស្ងប់រម្ងាប់ជាមួយនាង។ បន្ទាប់មក នៅពេលដែលគេបានរួមសង្វាសជាមួយនាង នាងក៏ បានមានគភ៌នូវគភ៌មួយដ៏ស្រាល រួចមកនាងបានឆ្លងកាត់ដោយការពរផ្ទៃ។ បន្ទាប់មកទៀត នៅពេល ដែលនាងមានទំងន់ធ្ងន់នោះ ទាំងពីរនាក់បានបួងសួងទៅអល់ឡោះ ម្ចាស់របស់គេទាំងពីរនាក់ថា បើលោកបានប្រទានឱ្យពួកយើងនូវបុត្រល្អម្នាក់ យើងប្រាកដជានឹងក្លាយទៅក្នុងចំណោមពួកដែល កតញ្ញូ

ក្រោយមក ក្នុងខណៈដែលលោកបានប្រទានឱ្យគេទាំងពីរនាក់នូវបុត្រល្អម្នាក់ ទាំងពីរ នាក់នោះក៏បានចាត់ទុកបុត្រនោះជាអ្នកស៊ីរិកនឹងអល់ឡោះ នៅក្នុងអ្វីដែលលោកបានប្រទានឱ្យគេ ទាំងពីរនាក់នោះទៅវិញ។ ប៉ុន្តែអល់ឡោះ មានឧត្តមភាពលើសពីអ្វីដែលពួកគេស៊ីរិក

ហេតុ អ្វីពួកគេធ្វើស៊ីរិកនឹងអល់ឡោះ នូវវត្ថុដែលពុំអាចបង្កើតអ្វីបានទាល់តែសោះនោះ ហើយវត្ថុទាំងអស់ នោះសុទ្ធតែត្រូវគេបង្កើតទាំងអស់ទៀតនោះ?

វត្ថុទាំងអស់នេះ គ្មានលទ្ធភាពនឹងជួយដល់ពួក គេទេ ហើយក៏គ្មានលទ្ធភាពនឹងជួយខ្លួនឯងបានដែរ