Surah Al-Anaam Ayahs #133 Translated in Khmer

ដូចនេះហើយ ដែលយើងធ្វើឱ្យពួកដែលសាងកំហុសខ្លះបង្វែរគ្នាគេ ដោយ សារតែអ្វីដែលពួកគេធ្លាប់ប្រព្រឹត្តនោះ

ឱពួកជិន និងពួកមនុស្ស! តើមិន ទាន់ទៅដល់ពួកអ្នកទេឬ រ៉សូលទំងឡាយពីក្នុងចំណោមពួកអ្នក ដែលពួក គេនិទានជូនពួកអ្នកនូវអាយ៉ាត់ៗរបស់យើង ហើយពួកគេក៏ដាស់តឿនពួកអ្នក ពីការជួបនឹងថ្ងៃ(បរលោក)នេះ?។ ពួកគេនិយាយថា ពួកយើងបានធ្វើសាក្សី លើខ្លួនយើងផ្ទាល់ ហើយជីវិតលោកិយ ក៏បានបោកបញ្ឆោតពួកគេ ហើយ ពួកគេក៏បានធ្វើសាក្សីលើខ្លួនរបស់ពួកគេផ្ទាល់ថា ការពិតពួកគេជាពួកអជំនឿ

ទាំងនេះព្រោះថា ម្ចាស់របស់អ្នក ពុំមែនជាអ្នកធ្វើឱ្យវិនាសភូមិឋាន ដោយអយុត្តិធម៌ ខណៈដែលអ្នកភូមិនោះ ជាអ្នកដែលមិនដឹងខ្លួនឡើយ

គ្រប់ៗរូបមានឋានៈសក្តិនៃអ្វីដែលពួកគេបានប្រព្រឹត្ត។ ម្ចាស់របស់អ្នកពុំមែនជា អ្នកធ្វេសប្រហែសឡើយ ស្តីពីអ្វីដែលពួកអ្នកប្រព្រឹត្ត

ម្ចាស់របស់អ្នកជា អ្នកដែលមានបរិបូរណ៍ ប្រកបដោយអាណិតអាសូរ។ ប្រសិនបើលោកមាន បំណងប្រាថ្នា លោកនឹងធ្វើឱ្យវិនាសហិនហោចចំពោះពួកអ្នក ហើយលោក នឹងដាក់ជំនួសបន្ទាប់ពីពួកអ្នក នូវអ្វីដែលលោកមានបំណងប្រាថ្នា ដូចដែល លោកបានបង្កើតអ្នកទាំងឡាយមកពីពូជពង្ស នៃក្រុមមនុស្សផ្សេងដែរ