Surah Az-Zamar Ayahs #67 Translated in Filipino

Sa Kanya ang pagmamay- ari ng mga susi ng kalangitan at kalupaan. At sinuman ang nagtatakwil sa Ayat (mga tanda, aral, katibayan, kapahayagan, atbp.) ni Allah, sila ang mapapariwara

Ipagbadya mo (o Muhammad sa mga sumasamba sa diyus-diyosan): “Ako ba ay inuutusan ninyo na sumamba sa iba maliban pa kay Allah? o kayo na mga walang pag- iisip!”

Datapuwa’t katiyakang ito ay inihayag sa iyo (o Muhammad), na katulad din nang pagkapahayag (sa mga Tagapagbalita ni Allah) na una pa sa iyo: “Kung kayo ay magtatambal (ng iba pang diyus-diyosan kay Allah), katotohanang walang magiging saysay ang inyong mga gawa (sa buhay na ito), at walang pagsala na kayo ay kasama sa mga mapapariwara.”

Hindi, datapuwa’t sambahin (lamang) ninyo si Allah, at nang kayo ay mapabilang sa mga nagbibigay ng pasasalamat

Hindi sila nagbigay ng makatuwirang pagtuturing kay Allah na nalalaan sa Kanya. Sa Araw ng Muling Pagkabuhay, ang buong kalupaan ay isang dakot lamang ng Kanyang Kamay, at ang kalangitan ay gugulong sa Kanyang kanang Kamay. Luwalhatiin Siya! Higit Siyang mataas sa lahat ng mgaitinatambalsa Kanya