Surah Yusuf Ayahs #11 Translated in Khmer

ប្រាកដណាស់ នៅក្នុងរឿងយូសុហ្វ និងបងប្អូនរបស់គេ គឺភស្តុតាងសំរាប់ពួកអ្នកដែលសាកសួរ

នៅពេល ដែលពួកគេនិយាយថា យូសុហ្វព្រមទាំងប្អូនប្រុសរបស់គេ គឺពិតជាទីស្រឡាញ់បំផុតចំពោះបិតា របស់ពួកយើងលើសពីពួកយើង ហើយពួកយើងគឺជាក្រុមកនតែមួយ ការពិត បិតារបស់ពួក យើងពិតជាស្ថិតក្នុងការភាន់ច្រលំមួយដ៏ច្បាស់លាស់ណាស់

ចូរពួកអ្នកធ្វើឃាតយូសុហ្វទៅ ឬមួយពួកអ្នកចោលវានៅលើទឹកដីមួយទៅ ដើម្បីឱ្យទឹកមុខបិតាពួកអ្នកបែរ និងវិលស្មោះទៅ កាន់ពួកអ្នកវិញ ហើយបន្ទាប់ពីវាមក ពួកអ្នកនឹងក្លាយទៅជាក្រុមមនុស្សមួយដែលល្អឡើងវិញ

អ្នកនិយាយម្នាក់ក្នុងចំណោមពួកគេថា ចូរពួកអ្នកកុំធ្វើឃាតយូសុហ្វ ក៏ប៉ុន្តែចូរពួកអ្នកបោះ វាទៅក្នុងបាតអណ្តូងដ៏ងងឹត ដែលពួកធ្វើដំណើរខ្លះនឹងរើសវា ប្រសិនបើពួកអ្នកជាអ្នកដែលធ្វើ នោះ

ពួកគេថា ឱបិតារបស់ពួកយើង! ហេតុអ្វីបានជាបិតាមិនជឿពួកយើងនៅលើរឿង យូសុហ្វនេះ ទោះបីជាពួកយើងគឺពិតជាពួកអ្នកដែលវិស្សាសភាព (អ្នកដែលប្រាថ្នាល្អ) សំរាប់វា ក៏ដោយ