Surah Yunus Ayahs #90 Translated in Khmer

ហើយ សូមលោកសង្គ្រោះពួកយើង ដោយក្តីអាណិតអាសូររបស់លោកអំពីក្រុមមនុស្សដែល អជំនឿផង

រួចមក យើងបានវ៉ាហ៊ីទៅកាន់មូសា និងបងប្រុសរបស់គេ ឱ្យអ្នកទាំងពីរ រកកន្លែងជ្រកកោនឱ្យក្រុមមនុស្សរបស់អ្នកទាំងពីរនៅឯអេហ្ស៊ីបនូវគេហដ្ឋានទាំងឡាយ។ ហើយចូរពួកអ្នកចាត់ទុកគេហដ្ឋានរបស់ពួកអ្នកជាទិសតំរង់ ហើយចូរពួកអ្នកទាំងអស់គ្នា បញ្ឈរសឡាតិ៍។ រួចអ្នកត្រូវផ្តល់ក្តីរីករាយទៅចំពោះពួកអ្នកមានជំនឿ

មូសាថា ឱ ម្ចាស់របស់យើង! លោកពិតជាបានផ្តល់ទៅហ្វារ៉ាអុង និងអ្នកមុខអ្នកការរបស់គេ នូវ សោភ័ណភាព និងទ្រព្យសម្បត្តិក្នុងជីវិតលោកិយ។ ឱម្ចាស់របស់យើង! ដើម្បីពួកគេ នឹងបន្សាត់វង្វេងពីផ្លូវរបស់លោក។ ឱម្ចាស់របស់យើង! សូមលោកបំផ្លាញទ្រព្យសម្បត្តិ របស់ពួកគេទាំងនោះ ហើយសូមលោកគាបសង្កត់ទៅលើចិត្តទាំងឡាយរបស់ពួកគេ ពីព្រោះពួកគេ នៅតែមិនព្រមជឿ លុះត្រាពួកគេឃើញទណ្ឌកម្មដ៏ខ្លោចផ្សាបំផុត

លោកថា ការបួងសួងរបស់អ្នកទាំងពីរត្រូវបានគេទទួលឆ្លើយតបហើយ ដូច្នេះ ចូរអ្នក ទាំងពីរពង្រឹងគោលជំហរ ហើយចូរអ្នកទាំងពីរកុំធ្វើតាមឱ្យសោះនូវផ្លូវពួកដែលមិន ដឹង

ហើយយើងបាននាំបុត្រអ៊ីស្រាឯលកាត់ជ្រែកសមុទ្រ រួចមក ហ្វារ៉ាអុង និង ទាហានរបស់គេ ក៏បានដេញតាមពីក្រោយពួកគេដោយការឧទ្ទាម និងផ្គើនបំពាន រហូតទាល់តែកាលណាការលង់លិចមួយបានទៅដល់ហ្វារ៉ាអុង ពេលនោះគេថា យើង មានជំនឿហើយ ការពិតគ្មានម្ចាស់ណាម្នាក់ក្រៅពីម្ចាស់ដែលពួកបុត្រអ៊ីស្រាឯលមាន ជំនឿនោះឡើយ ហើយយើងក្នុងចំណោមពួកដែលគោរព