Surah Yunus Ayahs #27 Translated in Khmer

ក្រោយមក ក្នុងខណៈដែលលោកបានសង្គ្រោះពួកគេហើយ ស្រាប់តែពួកគេផ្គើននៅលើដី ដោយឥតសច្ចភាពសោះ។ ឱមនុស្សទាំងឡាយ! ការពិតការផ្គើនរបស់ពួកអ្នក តែលើខ្លួនពួក អ្នកប៉ុណ្ណោះ វាជាសេចក្តីត្រេកត្រអាលនាជីវិតលោកិយ ក្រោយមកឆ្ពោះទៅយើង គឺជា កន្លែងត្រលប់របស់ពួកអ្នក រួចយើងប្រាប់ទៅពួកអ្នក នូវអ្វីដែលពួកអ្នកធ្លាប់បានប្រព្រឹត្ត

ការពិតប្រៀបធៀបជីវិតលោកិយ ដូចជាទឹកប៉ុណ្ណោះ យើងបានបញ្ចុះទឹកនោះពីមេឃមក រួច មកដំណែដំណាំរបស់ដីអំពីអ្វីដែលមនុស្ស និងសត្វកំពុងបរិភោគនោះ បានដុះរីកលាយឡំគ្នា ដោយសារទឹកនោះ រហូតដល់កាលណាដីបានចាប់យកគ្រឿងលំអរបស់វា ហើយដីបានតាក់ តែងល្អស្រស់បស់ ពេលនោះ អ្នកស្រុករបស់ដីនោះបានគិតថា ពួកគេពិតជាពួកដែលមាន លទ្ធភាពពេញលេញនៅលើដីនោះ។ បទបញ្ជារបស់យើងបានទៅដល់ដីនោះ ក្នុងពេលយប់ ឬពេលថ្ងៃ រួចមកយើងបានធ្វើឱ្យដីនោះក្លាយទៅជាលាយនកម្ម ហាក់ដូចជាគ្មានភាពរុង រឿងសោះតាំងពីម្សិលម៉្លេះ។ ប្រៀបដូចទាំងនេះ យើងបានបកស្រាយលំអិតនូវអាយ៉ាត់ទាំង ឡាយ សំរាប់ក្រុមមនុស្សដែលកំពុងសម្រឹងទ្រឹងគិត

អល់ឡោះអំពាវនាវទៅកាន់ ស្ថានបរមសុខ ហើយលោកមគ្គុទ្ទេសទៅកាន់គន្លងធម៌ ចំពោះជនដែលលោកប្រាថ្នា

សំរាប់ពួកដែលបានសាងគុណធម៌ គឺទទួលកុសលទាំងឡាយ និងថែមសន្ធឹកសន្ធាប់ទៀត។ គ្មានផ្សែងខ្មៅ ហើយក៏គ្មានភាពថោកទាបណាមួយ នឹងគ្របដណ្តប់ទឹកមុខរបស់ពួកគេ ឡើយ។ ពួកគេទាំងនេះហើយជាពួកសួគ៌ា។ ពួកគេស្ថិតក្នុងសួគ៌ាជាអនន្តកាល

ហើយ ពួកដែលបានប្រព្រឹត្តអំពើអកុសលទាំងឡាយ គឺរង្វាន់នៃអំពើអកុសលមួយដោយសមមូល នៃអំពើអកុសលនោះ ហើយភាពទាបថោកនឹងគ្របដណ្តប់ចំពោះពួកគេ។ ពួកគេគ្មាន អ្នកគាំពារណាម្នាក់អំពីអល់ឡោះបានទេ ហាក់បីដូចផ្ទៃមុខរបស់ពួកគេត្រូវបានគេគ្របជិត នូវចម្រៀកអន្ធកាលមួយនៃរាត្រីកាល។ ពួកគេទាំងនោះហើយ ជាពួកនរក។ ពួកគេស្ថិត ក្នុងនរកជាអនន្តកាល