Surah Hud Ayahs #48 Translated in Khmer

ហើយគេថា ឱធរណី! ចូរអ្នក លេបទឹករបស់អ្នក។ ឱមេឃ! ចូរអ្នកបញ្ឈប់បង្អុរ ហើយទឹកក៏ត្រូវបានស្រកបទបញ្ជា ត្រូវបានសំរេច សំពៅត្រូវបានចតនៅលើភ្នំជូទី រួចគេថា ជាការឆ្ងាយបំផុតមួយសម្រាប់ ក្រុមមនុស្សអយុត្តិធម៌

ណូហ៍បានស្រែកហៅម្ចាស់របស់គាត់ រួចគាត់និយាយថា ឱ ម្ចាស់របស់ខ្ញុំ! ការពិតបុត្រារបស់ខ្ញុំ គឺក្នុងចំណោមគ្រួសាររបស់ខ្ញុំដែរ ហើយការពិត សន្យារបស់លោកគឺសច្ចៈ ហើយលោកជាអ្នកយុត្តិធម៌បំផុតនៃពួកចៅក្រមទាំងអស់

លោកថា ឱណូហ៍! ការពិតវាពុំមែនជាគ្រួសារអ្នក។ ការពិតវាជាអំពើមួយក្រៅពីកុសល។ ហេតុនេះ ចូរអ្នកកុំស្នើសុំមកយើង នូវអ្វីដែលចំណេះណាមួយគ្មានសោះចំពោះអ្នកទេ។ ការពិត យើងក្រើនអ្នក ខ្លាចក្រែងអ្នកស្ថិតក្នុងចំណោមពួកអ្នកល្ងង់ខ្លៅ

គាត់ថា ឱម្ចាស់ របស់ខ្ញុំ! ការពិតខ្ញុំសុំជ្រកកោននឹងលោក ខ្លាចក្រែងខ្ញុំស្នើសុំទៅលោក នូវអ្វីដែលចំណេះ ណាមួយគ្មានសោះចំពោះខ្ញុំ។ ហើយប្រសិនបើលោកមិនអភ័យទោសឱ្យខ្ញុំទេ ហើយលោក មិនអាណិតអាសូរខ្ញុំទេ ខ្ញុំប្រាកដជាមានក្នុងចំណោមពួកដែលខាតបង់

គេថា ឱណូហ៍!ចូរ អ្នកចុះទៅដោយសេចក្តីសុខអំពីយើង ព្រមទាំងប្រសិទ្ធពរទាំងឡាយទៅលើអ្នក និងទៅលើ សហគមន៍ទាំងឡាយរបស់អ្នកដែលនៅជាមួយអ្នក។ ហើយសហគមន៍ផ្សេងទៀតដែលយើង នឹងផ្តល់ភាពត្រេកត្រអាលដល់ពួកគេ ក្រោយមក មានទណ្ឌកម្មមួយដ៏ខ្លោចផ្សាបំផុតពីយើង នឹងប៉ះពាល់ត្រូវពួកគេទាំងនោះ