Surah Hud Ayahs #51 Translated in Khmer

គាត់ថា ឱម្ចាស់ របស់ខ្ញុំ! ការពិតខ្ញុំសុំជ្រកកោននឹងលោក ខ្លាចក្រែងខ្ញុំស្នើសុំទៅលោក នូវអ្វីដែលចំណេះ ណាមួយគ្មានសោះចំពោះខ្ញុំ។ ហើយប្រសិនបើលោកមិនអភ័យទោសឱ្យខ្ញុំទេ ហើយលោក មិនអាណិតអាសូរខ្ញុំទេ ខ្ញុំប្រាកដជាមានក្នុងចំណោមពួកដែលខាតបង់

គេថា ឱណូហ៍!ចូរ អ្នកចុះទៅដោយសេចក្តីសុខអំពីយើង ព្រមទាំងប្រសិទ្ធពរទាំងឡាយទៅលើអ្នក និងទៅលើ សហគមន៍ទាំងឡាយរបស់អ្នកដែលនៅជាមួយអ្នក។ ហើយសហគមន៍ផ្សេងទៀតដែលយើង នឹងផ្តល់ភាពត្រេកត្រអាលដល់ពួកគេ ក្រោយមក មានទណ្ឌកម្មមួយដ៏ខ្លោចផ្សាបំផុតពីយើង នឹងប៉ះពាល់ត្រូវពួកគេទាំងនោះ

ទាំងនេះ គឺជាព្រឹត្តិការណ៍អាថ៌កំបាំងខ្លះ ដែលយើងបាន វ៉ាហ៊ីទៅកាន់អ្នក។ កាលពីមុននេះ អ្នកព្រមទាំងក្រុមមនុស្សរបស់អ្នក មិនដែលបានដឹងនូវ ព្រឹត្តិការណ៍នេះទេ ។ ដូច្នេះ ចូរអ្នកអត់ធ្មត់ ការពិតទីបញ្ចប់ គឺសំរាប់ពួកដែលកោតខ្លាច

ហើយឆ្ពោះទៅអាទ គឺបងប្អូនរបស់ពួកគេគឺហ៊ូទ។ គាត់ថា ឱក្រុមមនុស្សរបស់យើង! ចូរពួក អ្នកប្រណិប័តន៍ចំពោះអល់ឡោះ ពួកអ្នកគ្មានម្ចាស់ណាក្រៅពីលោកទេ ពួកអ្នកគ្មានអ្វីក្រៅពី ពួកប្រឌិតឡើយ

ឱក្រុមមនុស្សរបស់យើង យើងមិនស្នើសុំចំពោះអ្នក នូវរង្វាន់ណាមួយ នៅលើការងារនោះទេ។ រង្វាន់របស់យើង គ្មានអ្វីក្រៅពីនៅលើអ្នកដែលបានឱ្យកំណើត យើងនោះឡើយ ។ តើពួកអ្នកមិនពិចារណាទេឬ?