Surah Hud Ayahs #53 Translated in Khmer

ទាំងនេះ គឺជាព្រឹត្តិការណ៍អាថ៌កំបាំងខ្លះ ដែលយើងបាន វ៉ាហ៊ីទៅកាន់អ្នក។ កាលពីមុននេះ អ្នកព្រមទាំងក្រុមមនុស្សរបស់អ្នក មិនដែលបានដឹងនូវ ព្រឹត្តិការណ៍នេះទេ ។ ដូច្នេះ ចូរអ្នកអត់ធ្មត់ ការពិតទីបញ្ចប់ គឺសំរាប់ពួកដែលកោតខ្លាច

ហើយឆ្ពោះទៅអាទ គឺបងប្អូនរបស់ពួកគេគឺហ៊ូទ។ គាត់ថា ឱក្រុមមនុស្សរបស់យើង! ចូរពួក អ្នកប្រណិប័តន៍ចំពោះអល់ឡោះ ពួកអ្នកគ្មានម្ចាស់ណាក្រៅពីលោកទេ ពួកអ្នកគ្មានអ្វីក្រៅពី ពួកប្រឌិតឡើយ

ឱក្រុមមនុស្សរបស់យើង យើងមិនស្នើសុំចំពោះអ្នក នូវរង្វាន់ណាមួយ នៅលើការងារនោះទេ។ រង្វាន់របស់យើង គ្មានអ្វីក្រៅពីនៅលើអ្នកដែលបានឱ្យកំណើត យើងនោះឡើយ ។ តើពួកអ្នកមិនពិចារណាទេឬ?

ឱក្រុមមនុស្សរបស់យើង! ចូរពួកអ្នក សុំអភ័យទោសទៅម្ចាស់របស់ពួកអ្នក ក្រោយមក ចូរពួកអ្នកវិលត្រលប់ទៅកាន់លោកវិញ លោក ប្រាកដជានឹងបញ្ជូនអំពីមេឃទៅលើពួកអ្នក នូវភ្លៀងហូរហៀរ ហើយលោកនឹងថែមទៅ កាន់ពួកអ្នកនូវកំលាំងពលំមួយឆ្ពោះទៅកាន់កំលាំងពលំរបស់ពួកអ្នក ហើយចូរពួកអ្នកកុំបែរ ងាកក្រោយក្លាយទៅជាពួកឧក្រិដ្ឋជនឱ្យសោះ

ពួកគេថា ឱហ៊ូទ! អ្នកមិនបាននាំភស្តុតាង មួយមកកាន់យើងសោះ ហើយយើងមិនមែនជាអ្នកដែលបោះបង់ចោលម្ចាស់របស់ពួកយើង ដោយសារតែសំដីរបស់អ្នកដែរ ហើយយើងក៏ពុំមែនជាពួកដែលមានជំនឿចំពោះអ្នកដែរ